كلمات أغنية من العبث تكرم

البارحه وضعي على أفضل مايكون
لين انتبهت وصار عندي لخبطه

ضيف قلط مقلاط رجال يمون
مقلط روحه مانيب مقلطه

كن في ضميري صوت ربع يلعبون
حبيب وصياف وصفوف اسوطه

احيان يكسرني رسالة تيلفون
واحيان اوقف لـ الظروف المحبطه

ونقدمه لـ المستحق ونسفطه

وال الدعيه كلهم يستاهلون
قصيدة عصما ماهيب مشلوطه

وبكار ابو سالم تروح بـ الرهون
لاصارت الدعوى مافيها زغلطه

يقدم الطافح ولاهوب مغبون
اللي على شوط التلاد تنشطه

الله عطاها زين شكل وزين لون
لو وصفها ماكل شاعر يضبطه

من التسناد وتنهاض المتون
كن رقبتها فالسحاب محنطه

يبشر بـ رعاده تجيه وتبسطه

نوادر صقع وفي عين الزبون
وتبين لاجات الوسوم مخلطه

من العبث تكرم واهلها يكرمون
على طبيعتها ماهيب ممططه

ورث لـ جدانه موسعة الطعون
ماهيب من سوق الحراج ملقطه

ينوي لها قبل الرجال يربعون
ومقيضها في دار عندب وسبطه

هذا حفيد اللي لاجا رد الديون
الله على راس العقيد مسلطه

من هيبته تقاطرت منه الزغون
يوم العيون من الطراد مشنطه

وربوعه ال سنيد حمران العيون
هل راية بيضا ماهيب مرقمطه

لازال لـ البحيح مجد مايهون
واسم مواقيف الرجال تقلطه