كلمات أغنية ازهم الحربي لاحان التحدي والعناد

عرضـو صــدر القـريـحـه ذعـاذيــع الـبـراد
لين اعدي عـــالـي الرجـم وامـيـز واشـوف
الـطــواري تـدحـم كـــثـر حـنـان الـجــراد
شفـها حرفـة مـعـلـم وخـبـرة فـيـلـسوف
لجل زامل نشعب الجيش ونـعـن الجياد
ونـتــقـدم بـالتـهـاني وعـذبـات الـحـروف
والله الله يـالبــداريــن و الـطــارف ســداد
يابـني عـمي هـل الـعـرف مدركت الشفوف

عبيد محيميد البدراني

الوعـد يــاضـيـفـنـا رابـع ايــام الــعـيــاد
مـن لفـانـا حقـه الـعـود الازرق والـقـنـاد
والقعود الي من العـصر بالقدر محـذوف
في محل ربوعـنـا اللي عسـاهـم بـالمـراد
الوجيه اللي عسـاها تجار مـن الـصـدوف
مرحـبـا ترحـيبـتن مـن مـعالـيـق الـفـواد
عــد هــمـال الرفـايـا وبــراق الـقـنـوف

عبدالكريم بجاد البدراني

بااسـمكم ياابنا محيميد خطـلان الايـاد
ذخر عـودن يـبـتهج بالطـراقي والضيـوف
الرجال الي كـرمهم قبل حكـم الـبـلاد
فزعة اللي دون شـفـه تـحداه الظروف
في علوم الطيب مثل المراهيف الحداد
واسمهم عند الرياجيل بـيـن ومعـروف
من ذوي شايد هل الطيب والفعل الوكاد
يوم بقعا تسرج الخيـل وتحـد السيـوف
فهد بجاد البدراني

من بـداريـنن لـهـم بالوفـا سلـمن يـقـاد
وفعلهم بالقوم يبصر به اللي مايشـوف
كـم عقـيدن حـولو به مـن اعلـو الشــداد
وكم ومن فيهم من الخوف قلبن فيه خوف
يدجرون امع الـعـزاوي ومـع كثـر الطـراد
لانمزع حيد اسود الشال عن وجه الهنوف
في سنينن من سلم صبحها شاف الهجاد
والفعل دون المجاهيم يذكـر ومخـلوف

حمود ناصر البدراني

من دواهي حرب يوم المعارك والجهاد
ننطح وجيه الدول مانعـرضهـا الكتـوف
نـارنا يوضي ســنـاهـا ولا تـرجـع رمـاد
واسمنا حرب الدول يوم حايف ومحيوف
ومجدنا باقـي ليـوم الـتـغـابـن والـتـنـاد
ماخلق مـنـا ردي الـروابـع والضـعـوف
ازهم الحربي لاحان التحـدي والـعـنـاد
وتعرف معنا الحمايا وصملات الوقوف

ممدوح فهد البدراني