كلمات أغنية ابشر بعزك خابت ام اللاش

قصيده مهداه لرجل الاعمال علي بن سعد بن حمظه وابنه سعد بن علي بمناسبه زواجه
اليوم يومك يالهجوس اللي تفيض وتمتلي
ماهو بنا اللي كل ماشاف اي حاجه شدته

عليك تحفيز القريحه وازهل الباقي علي
القاف انا اللي بصخر ابياته واحدد مدته

ماني بوالله واقف في ماقف ماهو بلي
ولا من اللي جاته اشوار الرخوم ولدته

انا ولد راس القبيله ماتغير منزلي
ان جيت تعرف جيته وان صد تعرف صدته
هذا الكلام المقرحاني والكلام الجلجلي
ماني بمثل اللي يسولف من سوالف جدته

واللي مايرضى بالحقيقه والكلام المفصلي
اليا فتح حلقه رمينا فيه حيد وسدته

ماني ولا غيري على الطيب ولا الخيب ولي
لكن نحب اللي عن المنقود نفسه ردته

حنا ليامنا سمعنا صوت ربعي ياهلي
نعمي عيون المعتدي واللاش نلطم خدته

نار تلضى في نحور القوم ولا تصطلي
لا اشتدت الوقفات والميقاف زادت شدته

ان كانها بالدهوله والله مافينا دهولي
حنا الحزام اللي توقع في الجماجم عدته
حنا عجب عين الرفيق وسعد عين المبتلي
زبن الدخيل اللي مقادير الليالي حدته

على المكان المعتلي دايم سهمنا معتلي
غصب على اللي جتبه الهقوات ولا ودته

فعايل عيال المنيدي قبل حكم الفيصلي
كم واحد عدوه ربعه لا بتي ماعدته

صملاتنا تطغى على الصملات والروس تغلي
وسيوفنا كان الخصيم اخطا طريقه قدته

لعيون مويمة السبيب وعين لباس الحلي
نطعن بسيف جعلها تسلم يمين حدته

فعل على وضح النقا ماهو بغعل الحنشلي
وجنوبنا رجم عواصيف الزمن ماهدته

يامحزمي ماهي بلحية قلت لي ماقلتلي
الواجب الغصاب باب ماقفلنا سدته

ابشر بعزك خابت ام اللاش همك ينجلي
عقب بني عم ولدهم بالوفا مابدته

ياعلي ابن سعد ترانا نفتخر بك ياعلي
من بد كل المجتمع من بدته من بدته

لا زادوا اهل المرجله راسك من الطنخه ملي
وان زاد راعي المد ضيع مد كفك مدته

جحفلتهم فاخر دقيقه مثل شغل الجحفلي
ماصد قوله حارس المرمى الخطير وقدته

استرسلي ياندر ابيات المديح استرسلي
في مدح من كد المراجل لين بانت كدته

عند القبايل كلها ماكنه الا الحنبلي
صيت ابن حمظه عد له حتى السنافي عدته

يابو سعد يمناك ماشفنا لها والله حلي
كم من غني عشته كم من فقير غدته

واليوم يوم اروست فالقمه مع الله مختلي
هديت حر يوم هديته تنومس هدته

سعد سعد سعد الخوي سعد سعد عون الصلي
يفداه من كبر عن علوم الوفا مخدته

هذاك ينحر له قعود وذاك يذبح له طلي
يوم البخيل يسجل المصروف في مسودته

جدانه اللي سطروا التاريخ بالعلم الشلي
واخواله اللي قاومت جور الزمان وضدته

ياحي راس اللي من الناموس راسه ماخلي
ومهديات الصيدليه كلها ماهدته