كلمات أغنية مرية فينا طغى
- كلمات
- هضبان ال فسل
- ألحان
- جفران بن هضبان
هيا اسمعو لي يابني
الي نضمته بلحني
احدها وتحدني
وحديتها ثم جاتني
الحمد للي جابها
عصما حسيك ركابها
قيفانها ترعابها
تمن جميع شعابها
محد يعوج رقابها
يلين حلينا بها
وفيها تراحيب كثر
افعال ماضي والحظر
استرسلت لي من سطر
من عقب طول غيابها
لعيون من وصى علي
يبشر وهمه ينجلي
قومي اللعبي يم الحلي
النقض عندش وافتلي
يـ اللي تدق خضابها
بسم الحفيد ابن الفقيد
انوب في حفل العضيد
اصدح بها وانا بعيد
واعيد واكرر واعيد
يامرحبا يدرى بها
تهدى لمن شرف لهم
العود ولا نسلهم
تذبح لك اعيال ابلهم
قدر اللحى واشنابها
لمحمد راسي يشوش
ياشوق داعجة الرموش
لزين مفني بالقروش
وظفر الى جاء وقت هوش
وين انت ياطلابها
ياولد طحنون ابتهج
اجيبها صحوه وعج
من وقفتك ماني بسج
يومه غدى ف الشوط رج
دروعهم جينابها
ياويش شي لي طرى
الى غداء فيها مرى
احد يهرب له سرى
وحد يطلع له كرى
وانا علي طبابها
يوم الفقر والجوعي
والارض فيها روعي
والكوع جمب الكوعي
يرد الصبي الجربوعي
لعيون من غنا بها
اما لعينا مترفه
سود العيون المذرفه
ولا لطايرة شعفه
الي صخينا بعلفه
الي عزاوينا بها
يوم المفتق والصفق
والجو له رعد وصعق
نفني البنادق والفشق
لعيون من ثغره شعق
ردى البرى بسبابها
طرقاء تصيح وتزهمي
ياوين دمي ولحمي
اليوم ذا يوم الدمي
يالي تمنا مبسمي
الظفر ياتينا بها
ركبو على بنت الرياح
خيل يذيرها الصياح
صبحى تطارد من صباح
خيلاها شر متاح
الروح ياجلابها
الروح وشهي روحنا
الى وخذ مصلوحنا
والله ان تعود فروحنا
رد البرى مجروحنا
الكيف ياصبابها
قالو لي اني عنصري
ياخيلا العشوا المري
افخر واللز المشتري
واقطع لسان الثرثري
الي نفخ مشهابها
ياناشد ياويش انا
موت مصفا والفنا
حنا معوجة القنا
الى ظهر منا ضنا
غدت شيوخ انسابها
العين غطتها القحوف
قومي اقطبيها ياهنوف
الخوف لايلحقش خوف
مادامني حي واشوف
الرد من شيابها
الرومي الي جالنا
يبغي النصف من حالنا
ماهو وريث ابطالنا
للجلب من حلالنا
مكن بهم مضرابها
يوم ان كل ومطلبه
طلباتنا تم وجبه
من الملك قدر وهبه
لرفضها قص رقبه
يروح من عيابها
اخيه يوم خويتمه
الرمي جاله ريتمه
وكسر ودم وعيتمه
مانغدره لو نيتمه
نحاربك بـ ادابها
الى لفى راعي الزكاه
الي تبختر بالعباه
الي ذبح نصف خوياه
انشهد ربي رماه
في الجوب زكينا بها
اهل الكرم شي صحيح
لي التبجح يابجيح
في ماضي خيره شحيح
عصر السواني والشريح
حنا الذي فزنا بها
من اللذي قبره رفيع
جنوب من خط السريع
في درب بدوان نجيع
بفعله بمعزي يشيع
طحنون من عدابها
حنا محجرة المره
يامكثرين الثرثره
صبينا عن عشره
يدحر لراس يقهره
غصبا وسنينا بها
اهل العقاده والزبن
اشرب بحر يامنغبن
راعي اللسان المنكبن
الي دلع به للبن
عيا يصك ابوابها
هل جيرة ماهي تبور
ولا لحق منا قصور
عند ام شامه وسط نور
ياكثر حفار القبور
يلين يضحك نابها
دمارنا ماله عمار
وعمارنا ماله دمار
شيباننا قبل الغمار
لامن نوو لراس طار
يامكثرين انشابها
اقصا الرمال لنا مقر
هاذي العبر ياهل العبر
انكانها لشر شر
وانقول للهذار قر
محد حفر بترابها
ام الحديد بيرنا
ماهيب لحد غيرنا
عند الحفيره سيرنا
يومه جفانا طيرنا
وسط الحدود اطنابها
ونفحة وسط الدكاك
الي منابيته شفاك
اقصا الدكاكه والحباك
لنا مياه في هلاك
لجل الذي يازى بها
وفيه جبليه غيرها
شيبان مكثر خيرها
اخ الذي حجيرها
يوم المغازي زيرها
دقت على طلابها
عند معموره مطمعي
سلمى عليها تدمعي
حمره نثيله ف اصبعي
لو كان فيها مصرعي
النار من شبابها
والى تقافينا شمال
بير القلايب لي حلال
بين الجافوره و الرمال
لو كثر فيها قيل قال
مرحوم ياسبابها
واكثر مياه الي جنوب
لعلي ابن مره شروب
بدع على عصر الحروب
يومها تواقد بالشبوب
محد نكر كتابها
والى رجعنا للجهام
حن ساس ازين اهل الحزام
سود ماتعرف الانهزام
طماعها يذبح قوام
رش الدمي برقابها
واللي يقول انه رجل
جاب المزاهب ماوجل
يوم ان ماحد يرتجل
على اسمنا يصبح اجل
من اسمنا يسمى بها
مرية فينا طغا
على المعادي في الوغا
يحكم بلد الى بغا
بس الولاء فينا ارتغا
نموت ثم نحيا بها