كلمات أغنية محتلات

نضمت في ساحت الشعار حرب وزفاف
ياهاجس الشعر خاااف الله فيني خفه

يامهتوين الجديد الي عليه اعتراف
مايبغي الطيب الا طيب ينصفه

المرجله كايده والشعر تركيب قاف
لا افلست من الاوله هذا مكانك شفه

مدح الرجل لا غدا في عالم الشعر حاف
الشعر هذا عفه والمدح هذا عفه

شعرن بلا مرجله بالله وين اصرفه

لا حان بري الضماير والنقا والعفاف
ياجعلني فوق ضن العالم المرجفه

اصف عوب القصايد في اللزوم اصطفاف
لاجاني الي يبيع العمر دون هدفه

والشايب الي بسوق الطيب سعي وطواف
من حشمته يحشمم ويحشم عرب في طرفه

للضيف عينن ذرا والعين الاخرى لحاف
من كثر ما ينطح الواجب وكثر ضيفه

تستاهل المدح يبراهيم في كل قاف
الوجه الابيض مع العربان بيض صحفه

الراجحي لا تخلي قرش في مصرفه

اليا لقيت الصديع الي تحذف الخفاف
احذف لها المال والشيك الثمين احذقه

ياهل المغاتير يسلم واحدن مايخاف
المجد تسعيرته تسعيرته مكلفه

روح من السبع سبع وما بقا الا العجاف
كلن يدور من الااعذار مايحرفه

الي يبي ينفذ بجلده على اخر مطاف
يرد ذوده على المشروع ويعلفه

لاوصل من صمخ محتلات موتن زعاف
اكيد عبدالعزيز مبينن موقف

وقف ياعبد العزيز ان حل وقت الوقاف
وان جيت الاول طفه وان جيت الاخرطفه

اعرف ضعوف الروابع والقلوب الضعاف
واعرف صبي الصمايل والشجاع اعرفه

عطيتهم ياالسحيباني كروت انصراف
خليت صيهد منيف يراوزون طرفه

ضويت فدغ العشاير والبكار الصخاف
لا جيت صيهد منيف ارجف هله وارجفه

ياوي كل قحزا يبني ضهرها خلاف
كن الهرم في حجبتها نابتله شعفه

لا حان طرق الجواد تقول فيها شعاف
تقول كن خفها قدامها تخطفه

كنها تحول عليهم من بطون الطخاف
كل رخما تسبر البراق و مقنفه

راحت تنازا لميد العرض حم الشعاف
اخذ البراشيم وارتب والجلال احذفه

يوم اقبلت تطوي البيدا وتهرف اهراف
ماكنه الا محيا الفارع المترفه

قدامها من الجحادر روس ترثة عياف
روسن تطابخ حمايا واسما مشرفه

سلايل الي يروون الحداد الرهاف
ضلع يلوذ المجلا ويحيا في طرفه

ضلوعهم للرفيق من المراجل صخاف
ولا العدو في الملاقا يلعنون جدفه