كلمات أغنية قحطان مهلكته

صهيد منيف الا يا صيهد عيال مضيم
علي الحرام ان اسمك اصبح بـ اسامينا

ماهو قاصرن بمنيف ولا بسين وجيم
لكن شوف عيني يوم لجت عزاوينا

نظرنا مقدينا قبل لجنة التحكيم
جميع المراكز الاوله في مخابينا

غزايز مضيم ان حظرت فل بالتقييم
من اللجنه وجمهورهاا الي حوالينا

نفاخر بطاريه ونشله بـ ايادينااا

كثر ما بطش بالشوط وازم بهم تأزيم
كثير العرب ترتاع لا مر طارينااا

على اهل الشعل صبحن تناقل به الاقوال
وعلى من تحدا كنه الليل واحلكته

يحاول يطول سهيل وسهيل ما ينطال
عليه النهار اقل من شره أبركته

على الصهيد ارعودن تحن ومطر همال
ولاحت بروقن تفضح الليل واهتكته

ما والله تمره وتعداااا كذا بـ اقبال

يا شعار لا جاء للقصايد دحم وارسال
يا كم شاعرن تفصل من ارساله اشبكته

وانا الشاعر الي من بيوته تزاح جبال
ويمناه خشم الي يعاديه فاركته

ما حرك هجوسه لا ابو زميم وسلسال
انا شاعرن صادق حماياه حركته

يجي للقصيد بذكر عايض قدر واجلال
تنومس هجوسي في قصيدن به احبكته

وعلى عيال عايض من ضميري سلام ارجال
عدد ما تحضر بالمجالس ملايكته

لا شان الزمان وثقل حملك وحظك مال
هذولا سلاطين الزمان وبرامكته

مواقيفهم ماهيب هرجه ولعب عيال
ملاذ الي اضروفه من ايديه ماسكته

يشلون حمل الي عليه الحمول ثقال
لو انحطهاا في غارب شعيل بركته

هنا مصدر الناموس والطيب والافعال
وهنا كل فارس تعرف الناس معركته

ومن موسم ام رقيبه اليومنا لا زال
وفعول ال ظبيه كل ناموس مالكته

محمد خذا النخبه وعجز بها الابطال
شدادن يعرفون الرياجيل ميركته

والياا جاء مجال الشعل ما يشرب الفنجال
يا كود اسعدي جامع اعداه بشبكته

ابو رامس اصوك راس ومجمل ومدهال
وهل الشعل تعرف قو شعله وماركته

يا عبدالله انده لـ الشعل خلها تجتال
وتطيش وتشوش وخفهااا تسمع ادبكته

وانا يوم اشوف سبالها لا اقبلت زرفال
مع سيف لحي لسمااا تشر احنكته

طرا لي شطر لـ ابن الحويقل يوم انه قال
مثل كم ثوبن ما بعد صكو اكبكته

ابن ظبيه اليامن حضر كنه الزلزال
جميع العرب تدري بوقعه ومدركته

علي الطلاق انه ليا قال قولن طال
وخصمه لو يفرنك ما تنفعه فرنكته

اما انه يحضر ويقتنع ويغدي رجال
ولا انه تحجج لين يسحب مشاركته

لا وقف رجل الافعال يقعد رجل الاعمال
فعول الرجال اهل المواقف امسكته

بلياا نظر ما ينفعه ضخ راس المال
ما ياصل لهم حروه ولو يعرض اشركته

وراع النظر والي بعين الخصيم اخلال
يزيد الحزام الي فعوله محنكته

لا شاف النوادر يصفق اريال فوق ريال
فداه الي ايصر الملايين بتنكته

على مشتراه اليا شرا تضرب الامثال
يسمح هل البل من حلالن مشركته

ياكم مالكن يبغي يزيحه ولا يحتال
تعب واوكلاه ابكل شريه امجمركته

خصيم ابن ظبيه عند ذكره يجيه اجفال
تبين على وجهه قبل ينطق اربكته

وغزايز مضيم اليا ادجرت واعرضت يهتال
وفي قاعة الملاك يا مكثر احركته

مطنخ عيال امضيم لطامت العيال
قبل لا معزي تصبح الدار مملكته

اهل عقل واليا قنبعت ماحن بعقال
على سروج قحصن قو الالجام عالكته

الاعدا نوطيهم بسطوه وحد اسلال
لو انهم دهاه وبندق الشر فالكته

يا كم طاغي ذاق المعاناه والسلال
بشلفا تفج ضلوع والدم سافكته

ومنهو زبن قحطان يبشر بطيب الفال
ومنهو حرب قحطان قحطان مهلكته

تواريخ قحطان اتخلد مع الاجيال
اهل سلم مثل الدرب والناس سالكته