كلمات أغنية فيصلي سيف ساطي

بسم رب الكون جل وتعالى في سماه
معتلي من فوق كرسيه وعرشه حدر

خالقي نعبده وحده ولا نبعد سواه
بسمه يسبح له الطير وغصان الشجر

رحمته ورضاه وعفوه وغفرانه نجاه
من تصاريف القدر سكرة الموت وقبر

واهدلي قلبي وعلقني بحب الصلاه
فالمساجد والمصاحف وتهليل وذكر

يوم فاحة الدلة الهاجس وزان الشعر

وياهجوسي فيك امري وشد الانتباه
بالجديد المبتكر والقديم المندثر

اغرف امن البحر وانحت على صم صفاه
وقطف ازهور الجزايل شذى ريحه عطر

وماكتبته لاجل شهره و دور مبتغاه
الا في كفو ينومس وفي راسه سطر

مثل بن مرسان فيصل ينومسنا نباه
العديم النادر الي على القمه شهر

اشقرا مشبع مشاهيه والنعم حتواه
حر من ماكر حرار القبيله وافتخر

محزم مليان وسلاح وعتاد وذخر

ايه ذا فيصل ابن بدر يا مال الغناه
جاتك العصماء تزبر ومنشاها قطر

كم وكم ناس من اسمه تذرو وفي ذراه
اسمه يخلصك وشلون لامنه حضر

والنعم يستاهل النعم من يتعب وراه
والمراجل دربها كايد وعر وعسر

ما تكود اللي مثلك وشرواك تهواه
سايق جاهك ومالك لها عمرك مهر

بالمراجل انت بحر ولا يلحق مداه
وانت ميناها ومرسى المواني والبحر

وقفتك اثقل من طويق وجبال السراه
فالزوم العسر لا قمت خليته يسر

لو حصرنا فيك تاريخ يتعب من قراه
ولو شرحنا في مواقيفك يجف الحبر

من نصاك بـ ساعة الضيق حصل مبتغاه
كن ربي خالقك لـ الشدايد والقشر

لين شاع اسمك وذكرك يذعذع في نداه
يالعديم ابن العديم انت للطاله مقر

ربعك المرسان روس مطوعت العصاه
ياردون الموت لعيون براق النحر

وافي في كل ميقاف وقف و حتماه
بسم خلان الاشدة سعاطير ودجر

من بني هاجر صناديد ظفران دهاه
بالمراجل والشكاله واهل خيل صفر
يوم نجد دونها كل منعور ب شباه
مكرمين شذرة السيف بالدم الحمر

وفي نهار التين قحطان لبينا دعاه
قوم ماتو فالمعارك وقوم من القهر

لاعتلى عج الرمك والقشر دارة رحاه
العدو مذعور والي زبنا ينتصر

من يعادينا مايبطي على قيد الحياه
فعلنا في روس الاشهاد للعالم عبر

معلومات الاغنية
قصيده النايف اداء المنشد جفران بن هضبان
مهداه للشاعر فيصل بن بدر بن مرسان الهاجري