كلمات أغنية عمار ونار

زواج عبدالله بن فهيد بن عويدان العصيمي

بدت حالة قصيد وصار معها حالة استنفار
عشان الفرصه اللي كل طيب بيتغانمها

مشاعرنا تزاحم كلها واسرع من الرادار
لو نجيب الجهات اللي تنظم ما تنظمها

على شان الوفا والوصل واهل الطيب والمقدار
تكلمنا مشاغلنا ونسكت ما نكلمها

مواجيب الرفاقه والعباده والكرم والجار

عناد الشيباني

الا يامرحبا في حفلة زادت بها الأنوار
عسى الله مايكدر صفوها والله يتممها

حفل عبدالله ابن فهيد راع المرجلة والكار
اخونا اللي يقدر رفقة الطيب ويحشمها

يا ابو جوري مقامك ما يخلي عذر للشعار
يا راع الوقفة اللي يا عسى الصاحب ما يعدمها

كبير اخوانك وخادم لهم مثل الصغير البار
اثر ماهو صحيح ان اصغر العربان خادمها

مشعل بن عون

علومك وافية والراس طيب والفعول كبار
وش اللي يمنع اللي يفتخر بك ما يترجمها

على شانك نسوق الدلة أم الهيل والمسمار
نصب الوالمة والثانية لـ أجلك نولمها

نرحب كلنا بـ اسمك واسم عزوتك بـ الحضار
عتيبه كلها في ماقفك قطم محازمها

سلطان بن حامد

فداك الروح لو احطها بينك وبين النار
ماهو قصيدة كل يغنيها وينظمها

اذا عرف الرجال تجارة في عالم التجار
صداقتك البنوك اللي تضيق بها دراهمها

ولد شيخ يرد الشور له لاضاعت الاشوار
طرف بشته يذر الروس لا طاحت عمايمها

ذخر وسامة الحيه ماهيب الحيه ام الغار
لا والله حية حطت قبايل نجد في فمها

فالح الغنامي

على شأن القبيلة ترخص الأموال والاعمار
رياجيل اللوازم ما تخلى عن لوازمها

ليا صار التخلي ذنب ما يمحاه الاستغفار
يجي للاد عاصم فعل من الذنب يعصمها

على يمناك حط الاد عاصم و الجبال يسار
و داحم قوة حتى الرواسي ما تداحمها

ليا شدوا لهم من منطقة صارت دهر وغبار
و لن حلوا لهم في منطقة صاروا معالمها

وصل العطياني

علوم اخبار يا شعار ما عندي علوم اخبار
عدا بيتين جات بلوحة الإبداع تختمها

عمار ونار يا مجد يدرع له عمار وكار
ذخاير عود لأفعال العوادين ومكارمها

اساسه من قصار اعمار ويعمره طوال اعمار
يدلك حاضر الابطال عن ماضي قدايمها

عكاش الذيابي