كلمات أغنية خلها تبرق وترعد

حسب توقيت القريحة ماهو بـ ام القرى

مدح ربعي والله انه رصيد وراس مال
من درا قولوا له يعلم الي ما درا

في عجبهم كم حذفت العمامه والعقال
وكم رصدت البارق الي على الديره سرا

خلها تبرق وترعد على روس الجبال
مجد ربعي يتعب الي كتب والي قرا

حنا صبيان الحلافات ذربين الفعال

عزوة الشيخ ابن خبزان في سلم وقتال
يوم زوعات القبايل وردات البرا

دون حد ابلادنا بالثياب وبالبدال
لا تقدمنا على الموت ما نرجع ورا

قوتن في الجاهلية مثل رعد الشمال
من يعادينا بيبطي وجرحه ما برا

الحلافي راعي الاوله في كل حال
من ينافس راعي الاوله يمسك سرا

احتزم يابن مقيليب وانا خو العيال
والله انك عندي اثقل من طويق وكرا

اعتزي بك كل ما ميلت سود الليال

انت راعي مرحبا واقلطوا فال وعقال
كل ليله في محلك مشايخ واومرا

يا سمي الشايب الي علومه لا تزال
خو عزيزه يطري النعم لا منه طرا

وشايبك في المرجله والكرم مضرب مثال
اطلق حجاجك ما دامه على وجه الثرا

انتوا حزام السعد في المهمات الثقال
تفحمون الخصم بالخصم وعيونه ترا

من ثقل وقفتكم و طيبكم بين الرجال
والله ما معكم على قمة الطيب خشرا