كلمات أغنية حنا مقاديم قحطان

لاهامو الشعار من واد لواد
ماهامت افكاري ولاهي هايبه

الرجل لا جا ماقفه ماله حياد
يحمى مواقيفه ويطلق حاجبه

مايكسب الطالات راعين الرقاد
الوقت يبغاله شجيع يحاربه

ياما حمسنا الوقت حمسي للقناد
إلين طاب الكيف للي شاربه

ورثا لنا والطيب ربي جادبه

ترحيبة فيها من الطيب الوكاد
العود فيها والشحم متناسبه

هادي معدي رحب وثنى وزاد
وانشهد ان الطيب من مكاسبه

الحفل زان بشوفة صقور الهداد
والجزل ذا حله وهذا واجبه

مبروك ي سيفا خلق ماله غماد
سيفا تحزم به نهار النايبه

حمد وسبع انعام عقب اسمه تقاد
وابوه له فعلن يطول شاربه

بيته لعطران الشوارب ناصبه

من جده معدي تحزم به وناد
وابشر بغمرن ما يفشل صاحبه

حنا خوال اللي على الشيخان ساد
من طيب جدانه وفعلا كاسبه

اللي ماهي بالطوع تاتي بالعناد
ورث الصبي من جده ومن شايبه

النعم عقب فعولنا ذكره يعاد
حنا معازيبه وركنن لاذبه

حنا شريفا مجدنا ماله قياد
روس قحطان مدلهين الحاربه

طالاتنا تسبق ذعاذيع البراد
من ربعه شريف فيطلق حاجبه

عوال جدي نارهم ماهي رماد
وامداحهم مثل الصلاة الواجبه

خذ الكلام اللي عليه الاعتماد
مافيه عز الا الشريفي كاسبه

من ضاق في دنياه ماعين عتاد
يزهم شريف وتنجلي مصايبه

اذا نطحنا الجمع خضبنا الحداد
واذا وردنا الماء فلاحدن شاربه

حنا مقاديم قحطان اهل الشداد
شيخة شمل لا ابناء مظيم العاربه