كلمات أغنية حنا لها

يالله قلدني من الطاله وشاح
ياواحد كل البشر ترتجي له

حان اللزوم ولاح برق الشعر لاح
وانا ما اغيب ان جى لزوم القبيله

حنا لها لامن غدا الزند قداح
لاناش راس الزند خشم الفتيله

انطوع الضد وانفادي بالارواح
والحمل يلقى له متون تشيله

روس لها في كل ملقى فعيله

يامرحبا بـ اسماء بعيدين الاشباح
ربع مواقفهم كبار وجزيله

فالحاضر الحالي وفي ماضي راح
ما منهم اللي ما يزبن دخيله

احفاد شيخ محزم ودرع وسلاح
إلى تعلى فوق سرج الاصيله

محمد الحوبان كساب الامداح
عون الرفيق وعوق من فيه عيله

ياما لطم فالمعركة فارس وطاح
ويا ما فرق بين الخليل وخليله

ومقلاطهم من بين غبر النثيله

وإلى دعاني راشد همه انزاح
يبشر بعزه والله ان احتمي له

خوة عريب الساس هي جني الارباح
والكفو حنا ما ندور بديله

من روس شيبان لها صيت وامداح
يشهد لهم يوم اللقى والوهيله

عذبية لـ اخصامهم سم اذحاح
سنام راس المجد ستر الجميله

عندي على ما قلت تأكيد وإيضاح
ولاقول قول الا وعندي دليله