كلمات أغنية جاتك قبايل يام

ياليل روح لاتدور عندنا سن ظحوك
الظحكه اللي في نحا العجمان محد شافها

انا لو اظحك يعلم الله ضحكتي فيها شكوك
الله من ظحكه تشيل الهم وسط اكنافها

مايجلي الغمه وضيق الصدر والليل الحلوك
الا مرازيق تحذف الكايدات اخلافها

وشلون أبجلس فوق سجاده وربعي فوق شوك
ماني ضعيف لادعوه اهل المضايف ضافها

جنب بني عمه وزاد الحمل فوق اكتافها

ياهاجسي لا تدرج حول الحما لا رحم ابوك
الارض مالى فى مطامنها ولا مشرافها

ماعاد لك مني سوى رحله على ظهر المكوك
خل السماء من دون هقواتك وشق غلافها

ابغي قصيده من سمعها قالي لا فض فوك
قصيدة ماتدرك الشعار حبكة قافها

الماقف الغصاب قداح الشراره فالسلوك
والموهبه ماني بدور كل يوم انصافها

ماجور ياسلطان بن مصعب وربعك مانسوك
اخوان شما ماتكب اسلومها واعرافها

وعوال عمك ماتسير الا مسير اسلافها

حنا محزمة القنازع يامحزمة الوروك
اموالكم ماتعتق الاعناق من سيافها

الروس تطبخ من سطر والقاف من عصر محبوك
وانا ادري ان يام العريقه تحتمي ميقافها

يالشامري بكره يزوفون البشاير صوب اخوك
ربعك يشلون الحمول اثقالها واخفافها

قل للحكومه تدبل ارصدة المصارف والبنوك
مكاين الصراف يمكن ماتسد ألااافها

جاتك قبيلة يام فى ايديها الدراهم والصكوك
العام قفلنا يابن عمي ثلاث اضعافها

اليا تحاموا هزوا البيدا وخلوها دكوك
يامية لا زادت الديه يزيد اسرافها

كل ابلجن مثل الجنيه اللي من الوقت امحكوك
تحسب حسابه لا وقف روس العرب واشرافها

اليا تعلينا على دهمن تلجم بالحنوك
راعى الغزيز اللي يرد القوم عنها عافها

قبيلة حدانها قبل الحدايد والشبوك
ذيدانها قاع الخطر مرباعيها مصيافها

لها مقام معتبر عند القبايل والملوك
مبطي وعازبة الخلا تامن على طرافها

واختمها يالشامري عنز ودوك العلم دوك
دورات بقعها لا احتمنا لك لا عاد تخافها