كلمات أغنية تفاخر سبيع

لي ايام عندي جرد في خزنة التيجان
ابي عملة في السوق ماهيب مضروبه

طواري وسجة بال في معظم الاحيان
يدوب الجفن يرتاح والنوم يادوبه

خذتني مثل ماياخذ القاف ابن جدلان
يسرح مع كثر الطواري بغيبوبه

بعد ماوصلت ام النواميس قافي زان
تسلسل بيوتا من ذهب خام مصبوبه

على جو مرتع ذودنا هلت نصوبه

جنوب البريكه غرب من مورد الروسان
في ذاك النفود الزين من دون مشذوبه

حضر هاجسا لاهاض تذعن له القيقان
تجيله بيوته طوع ماهيب مغصوبه

وانا اللي ليا حانت مواقيف ربعه بان
قصيدي ووقفاتي مع الربع محسوبه

وانا ممدح الا راسن اصوك وابوه حصان
عسى من مدح له لاش ماتغفر ذنوبه

انا والم في الشان يامحزمي سلطان
قصيدتك وسط الصدر يالقرم مكتوبه

سعد سعد منهم في الملاقى تعزووبه

سلايل منادي بالعشاء الشيخ ابن قطنان
مراغيين طيب الصيت والعرف فازوبه

وهلا مرحبا ترحيبة توفي الميزان
بغال الشحم والكيف والعود مصحوبه

هلا مرحبا ياشيوخ قوم وجبر واعيان
عدد من دعاء وسط الحرم واتجه صوبه

تساق الدلال مقنده هيل للضيفان
وجمر المباخر سمر والنار مشبوبه

بسم من صدا صيته تسولف به الركبان
ومن بين نجم الجدي وسهيل ذاعوبه

محمد رفيع القدر والمنزله والشان
يقول ارحبو والضيف يبشر بماجوبه

ترى حضوركم تشريف وبشوفكم يزدان
حفل محزما في المرجله تتعب دروبه

كريما مداه بعيد ساطي وسيع بطان
حبال الكرم من عد هداج مجذوبه

من ال البحيح اهل الوفاء المحزم المليان
نهار المواقف والفناجيل مشروبه

شماسات لا عدو هل الخيل والفرسان
ياكم فارسا وقت المناويخ طاحوبه

دخيل الحمى نكسيه امانا من العدوان
في ظل الشماسي يهتني ماتهقووبه

ترانا هل المثلوثه الي على برهان
تفاخر سبيع بفعل ربعي وغنوبه
لنا عزوة الغلباء كبار البخت سبعان
هل الحرب لامن اهل الخيل نادوبه

ليا من عدو سبيع وسوس له الشيطان
بسيف الفخر نرد راسه لعرقوبه

ومن ماضي الازمان لاحاضر الازمان
ورايتنا في عالي المجد منصوبه