كلمات أغنية انا اعشق السجه

ياليل يوم انك سترت الارض عن شمس النهار
استر على الي ضيقته دايم وهو يبلابهاا

مانيب عايش عيشة الحيله يادنيا بختصار
وسود اليالي ولله اني ماحسبت حسابها

لاستستهلو درب يوديهم لدرب الانكسار
هاذي ترا نفسي ماترضاها وانا مرضابها

اطنخ ياراسي ياعسى راسي من الدنياء مجار
لاتلتفت فالي على دربك تلف ارقابها

لا اسدل ضلام اليل جات ولا عرفت اسبابها

قالو تبا الراحه شف اقرب حجز ولا اقرب مطار
وحدد على الوجهه وتلقا الراحه وتحيابها

وانا اعشق السجه ونفسي نفس حر ومن حرار
ونجد العذيه مقدر اتركها واكب ترابهاا

وادي الرشاء وغثاه والنير ومرابي ام الحوار
احبهاا واحب اراضيهاا واحب هضابهاا

دار الكبار الي تراكو دونهاا روس الكبار
لين املكوها الي تفتل للصعاب اشنابهاا

علاج نفسي يوم اسج الرجل في هاك الديار
اترك ديار الغرب مابيهاا وويش ابغابهاا

لاشرعت بيبان الامداح استواا مضرابها

شاعر وقسمي فالقصيد الجزل من شط الفقار
واجيب شي غيري بيبطي وهو ماجابها

ياقهوجي قم صب لي فنجال عقب النوم طار
عندي قصيدة تدخل الساحه مع اوسع بابها

وقت اللوزام حاضر وذا يومي وكلي شنار
ولله لشيد فكرة ابياتي واشد اطنابها

بسمك يابندر مرحبا على الشحم وام البهار
والعود الازرق والمباخر فايحه بطيابها

يامرحبا ونكرر الترحيب ياطوال العمار
حياكم الله والمجالس ماتصك ابوابها

ابوك قدمك فالكرم له سيره وفعل ووقار
قطيم سموه الدسم وفعوله ايغنابها

وانتم هل الأفعال واهل الطيب واهل الافتخار
ياحي روس الابه الي فالكرم يدرابها

من الاد مرشد واهل الطاله واهل سرد المهار
العزوه الي يعرف التاريخ معنى القابها

حماية الطرقاء نهار يلتهب شعله ونار
واهل النعش كان الذيابه كشرت بنيابها

والمرشدي لامن تعزوى راحو اخاصمه دمار
غيره يهاب الموت والاخصام هو ماهابها

قد ردو البل بالسيوف وبالبلاجيك القصار
ماتوخذ الناقه لاصار المرشدي طلابها

وعتيبه الهيلا هل الفزعه وستر ام الخمار
قبيلة تعرف بفزعتها وعز اصحابها

وختامها بالزكا اتحايا والمحبه والوقار
مالاح براق المزون ومنهمر صبابها