كلمات أغنية ابلج تنبت حمياه بـ جفونه

تحت ليل نشعم الحرف بركونه
أتمزع كل الافكار في جاله

السهارا في طواريه مفتونه
والنشاما تحرق الطيب فـ حلاله

لا حذف بشته على الشمس وردونه
خلوا الشاعر يغني على فاله

شاعر يشعب قوافيه ولحونه
لا خبط بيته على خشم مواله

يقدر ينوخ حجى الضلع ب عقاله

باسه وقوة حماياه وجنونه
للبقوم اهل المناويخ والقاله

كل صفراء تهبد الارض معنونه
طيشوها اللي على الخصم عياله

يوم نجد من المناعير مشطونه
رمحنا نركز على نجد تمثاله

مرحبا في حلة المجد وحصونه
رحبنا من وافر الفعل حنا له

الكرم فـ حلالنا صار قانونه
كل يوم يرحب بضيف من حاله

التراغا الحشو من قوة افعاله

في حفل من نضرب البحر لعيونه
ونتنطح ظلع الايام وعباله

سالم اسمه فالمواقيف عربونه
من مفاخر ربعنا واطيب سلاله

النجوم المرمسه تعشق متونه
كنها تحيا على المتن مختاله

الرفيق اللي مثل سالم اصونه
واحشمه عن كلمة اللاش وهباله

ابلج تنبت حمياه بـ جفونه
حوله امال الرياجيل منهاله

من سوالف ماضي الدهر وغبونه
ما عصبنا روسنا غير فـ امثاله

ذايع جرمان طيبه على ركونه
ومتمثني قمة المجد وجباله

من غدا وقته مثل حره الجونه
لا ينوخ همه الا على جاله

ابن جمعان الرياجيل ينصونه
سطوته تقرع شبا الشيخ وسباله

ان تكلم شفت الاخصام يدرونه
خل بشت ما يجي الطير فـ ظلاله

لو ملاء شقه من الهرج وفنونه
ينكشف لا شمر الفعل بجلاله

الطريفي خلق للحرب وغبونه
يعرفون القوم لا قام محواله

لاد طارف يوم الاخطار مسنونه
نيخوا روس على الخيل خياله

تيهوا بنت ادلخ الراس عرنونه
وفاطر لا كضت العشب حفاله

تحت وسم يثلم السيف من دونه
والرماح مع المناهيج تبراله

لا حجف نو المواقيف يردونه
ولا هدر سيل الحفيفين تشتاله