كلمات أغنية حي الم البعاد
حي الم البعاد حش كلاي واجرا
دمعي انا شوقي طايل لي ظبيات واجره
ياحليل الغصون المايسات في القلعه
زي الريل حدايق وكالبدور في الطلعه
مع فرط الجمال زايدات حداقه وشلعه
يات من كان تجيك تقدح تزيدك ولعه
بذكر جلستن يوم جمعه بعد النافله
ربات العفاف الطبقه الما سافله
دارسات كل فن الا الامور الافله
والعجب الخلق شبه الارايل الجافله
يات من كان حافله او غير حافله
تتناول فؤادك وتمشي منك غافله
انظر قامه ممشوقه ومضمره كافله
نغماتا تنسيك الفروض والنافله
اقتبس البدر من امنه نورو و دارتو
الخز والدهب عار من جسيما نضارتو
الدر حين وهب لي فاها شوفو قدارتو
اضحي علي الرؤوس يحمل ونافذه ادارتو
فرع الياسمين من النسيم يتني
سالكه مضمره والتنه فوق التنه
عبي نهودو كالتله وجا يكتلنا
الشهاده منو النالها متلنا
ان جاتك تقود في عوما زي الوزه
واللفتات غزالا بي نتايل فز
وكتين تبدو جوز عينيها كسره وغزه
زي الفارس الشال حسامو وهز