كلمات أغنية من فروع الحنه
من فروع الحنه وزهره التفاح
هاج بلابل فكري النسيم الفاح
الجداول تجري فوق خدودك در
والرشيمات بقت في اشعه خدر
يعمي عيني قبلك مانظرت بدر
فوقو ليلا حالك يعلو غصنا ماح
القوام متوازي لاقصر لاطول
والشليخ افعالو تصرفات مسطول
اهو خاتي دا ساند ضهرو في الاسطول
والعيون حراسو وفوق جفونو صفاح
انت روحي وراحي ليك ظمان
غاب ما بصرح باسمك مابجيب القاب
انت ديسك خدرك ماك صيده
غاب من فوارس حيك ليك غابه رماح
اختصر افكاري خصرك المعقود
مابيمس بي كفه لاقميص لاعقود
جاربو ردفا جاير حلمه ليه مفقود
عذرو واضح صدرك مالبو جوز تفاح
خلي امعن شوفو قول لي ايه يا النور
هل رايت لك دميه ام دا جام بنور
جل من انشاها وصاغا شعله نور
هل دا جيد وقلاده ام نجوم وصباح
المعاصم جدله والكفيفات غوف
والكتيف الهادل بالكفل مشغوف
نايمه او كان صاحيه حال جلوس ووقوف
شوفو لاحم ديما ومنو مالو براح
من جمالك فكري انغمس في بحور
هل رايت لك صيده ام دي من الحور
احترس ياقلبي البواكرالحور اوع عينيك يبكن
يام جبينا يندي بالحسن نضاح
حالي من دون شرحي كامل الايضاح
ستي لا تاخديني الغرام فضاح
ود محلق قبلي بي سعيتك راح