كلمات أغنية شيخ ريا
شيخ ريا حسبك من فخر
ليك البدور طايعات تخر
اذكر ليالي العاصمه
المن سوء الهك عاصما
هي الجنه شرطا عاصي ما
يمسك بنان في معاصما
كانت ليالي مواسما
انوار تلالي من السما
في قلبي دايما راسما
ولكن حروفا مجسمه
بالله يوم المهرجان
الجو صافي من الدجن
مما رايت تلك الوجن
انا عقلي فر ركبلو جان
ايام غلس ما اقصرا
وراحت كان لم نذكرا
يا ربي خدر عنصرا
وانصر جيوش بختنصرا
ايام سرور بسراع تمر
والكون يقنب فوق جمر
لوتاني عادت و لي امر
اليوم ببدلو بي عمر
ماشفتهن حين قالو جن
زي الكهارب بهرجن
اوع السلوك فوق الوجن
بالنظره ليك بتلجن
افلن شموس عند
وجن شلوخن علبن
صيد الخلا الما
في قلبي نزلن وطنبن
لو شفتهن تحت القصر
حاملات نياشين النصر
تلك البدور طلعت عصر
اودرت خم وصر
يا ماحي بذكر جلستن
واوصاف مناظر خلستن
مولاي حواك من حبستن واسطن
صيح سرور وتلاه الامين
ضلت قلوب العالمين
عاقلنا يلزمني اليمين
ماعرف شمالو من اليمين
وشغل القلوب
بي لبو للانظار جلوب
كم بي لحاظو هزم تلوب وقتل اسود
الله قد تعس الكفر
فضح الشمس وكتين سفر
سته الشلوخ واقفات غفر
لي فاها غاليه النفر
نقرابي من بينن طفر
وقال لينا في عينكم ضفر
شار بي وضيبو الانضفر
شبه اريلا حاول فزاز
عينيها والجيد جام قزاز
بي عودا يا ست العزاز
تلكم ليالينا اللذاذ
النقعه خز والقامه زان
والنون تقول الخيرزان
حين وقعولو النقرزان
جل القدير لي صورتو زان
عمل القلوب كوره قدم
يلعبها وهي في العدم
كهربنا والصف انهدم
تلقانا قتلا ومافي دم
لله درك ياعمر
سوق الادب بيك انعمر
ضرغام وابهي من القمر
والطف وارق من الثمر
بي عودا يا مولاي تعود
ايام هنا وطالع سعود
نتلاقي في اقرب وعود
يبقي الحسود فوق عينو عود