كلمات أغنية مواريث النمور

الزمن دوار والوقت والدنيا تدور
يالله بعلم يجمل على طول الحياه
الرجل يتعب على الطيب بالعزم الجسور
لو مايلقى قوت يومه غداه ولاعشاه
جعل سمعتنا تنومس مع طوال الشبور
وجعل من جانا يبي لازمه نقدر قضاه
المواقف تنعرف لاحصل بعض الأمور
عقب اللي يجحد الطيب ويقفي وراه
والثنى حنا هله من قديمات العصور
من تجمل في حدانا لقى طيبه جزاه
بيض الله وجه راع الوفاء الوجه البشور
نادر من طيب راسه ومحمود نباه
للثنى والمدح والشكر يامال الغناه
مرعي ابن محمد الدامسي ليث هصور
بيض الله وجه راع الوفاء وجه وجاه
امدحك يالشاردي مدح بالصوت الجهور
ومن مدح شرواك يالكفو ترفع مستواه
الجمايل كنز محفوظ والبيت معمور
لعنبو بيت مايحجي ولايذري ذراه
نعم ياعمر المراجل مواريث النمور
مجدكم معروف معروف ب السنة الرواه
والجميل اللي فعلتوه لايمكن يبور
عندنا محفوظ حفظ المصلي للصلاه
سلم قحطان العريبه يورخ فالسطور
الجميل نقدره والخوي نحفظ غلاه
وفعلنا معروف في نجد بالسيف البتور
من نزل في نجد قدم لابن هادي زكاه
حن مطانيخ الجحادر مقابيس الشرور
كم عقيدن في نحانا نعاه اللي نعاه