كلمات أغنية من ينافسنا

من ينافسنا على العز والطاله
لا يقصر بالتصاريح ويطول

كان صادق يقدم ويثبت اقواله
ايحضر في صهيد منيف ويحول

بالرخا لا عاد يومي بـ فنجاله
دون الاول فيه شيبان ومعول

يا اهل الشيعول لا كبرت القاله
عندنا الي تفضخ القلب وتهول

من يجي في شوطها ضغطه ايفول

جاتكم غزايز امضيم وعياله
تلطم الاول واهلها هل الاول

سابقي تسبق ولاهيب مسبوقه
في ميادين النواميس مركضها

بنت هرشن تعرف العالم اعموقه
بنت فكري والمواقف تهيضها

شاعرن معروف نهجه وطاروقه
واكثر ابياته هل الشعر تحفظهاا

دون ربعه ما خلق شي ايعوقه

اعرف الدجال من تومي شدوقه
عالي اصواته ليا جيت يخفضها

ولحية الشيطان بالموس محلوقه
والشياطين الرجيمه نربضهاا

جبهته من كثرة الرجم مفلوقه
رجم حجاجن تتم فرايضهااا

والمزاين كل ما لاحت بروقه
انتباشر والاعادي نروضهاا

نحتزم باللي كسب كل مرموقه
مرخص امواله ومشراه بـ ابهضها

تتحد الاخصام وتروح مخنوقه
ما جداها الا الغباين تفضفضها

ذا فعل عبدالله وهذي طروقه
والصياهد بالغزايز يوقضها

منه الصيهد قبع وانتهض سوقه
زادت اقيام الشعل في معارضهاا

يا ولد عايض ما بقيت ممشوقه
وما بقى بـ اهل الشعل من يغايضها

ابن عودن شامخ وبانت افروقه
المراجل تفتخر عند عايضهاا

اقدم وقدم لنا كل منتوقه
اشعلا تاطا على كبد مبغضها

كل بكر من هل الزين معشوقه
واللجان تشوش من يوم تعرضهاا

مارقت غارب والاذان مفهوقه
وارقبتهاا للمخاييل تنهضها

كنها لكسب النواميس مخلوقه
جل شان الي فرقهاا وفوضهاا

ولـ النظر دكتور نظرته ماثوقه
نقوته ندر ونظرته فارضهاا

جابهاا يزيد لـ الشوط منسوقه
اثلج ابهاا اقلوب وقلوب ممرضها

منه اجروح المعادين مفتوقه
كل ما خاطت لهاا جرح نقضها

والعيون الي على الحق مبلوقه
ليه راعيهاا عن الحق غمضها

ما نعرف الغدر والذل والبوقه
مثل ناسن كل عاقل ملاحظها

فوزنا معروف ما تهضم احقوقه
لو تجمهر بالضعوف وتحرضها

والرجل نعرفه من حين منطوقه
والوجيه السود مالله مبيضها

والجبل ما زحزحه حذف طابوقه
والجبال الراسيه لا تعرضهاا

ابن ظبيه يجري الطيب بعروقه
اسعدي قرم والحرب خايضهاا

فارق في طيبه وفعله ونوقه
ولا لقى له فارع ما يريضهاا

دون الاول يطحن ما غفا موقه
كل منتوبه مع ابله مقيضهااا

والنفوس الي على الفوز مسيوقه
خاسره يا جعل ربي يعوضها

رقم عبدالله صعب ماحدن فوقه
وفعله يدرس رجال ويوعضها

شوط شلفا الشعل من تشرق شروقه
يدحم وشلفاه بيديه قابضهاا

كسبت الناموس من فنه وذوقه
يرهج اكبار الاسامي وينفضها

اقحطان افعولها اصكوك موثوقه
سايده في سود الايام وابيضها

في عيال امضيم الامداح معشوقه
سيرتن في بحر الامجاد فايضهاا

الخصم حنا وساويسه وعوقه
لو يقود ام المعارك ونايضها

حربتن تفري طحاله ومعلوقه
لين ما روحه على القاع يلفضهااا
لا سرجنا الخيل والنار مشعوقه
نسهج البيدا وتكثر روابضهااا

نكتب التاريخ بـ ادمي مدفوقه
والاعادي من سطر ما نفاوضها