كلمات أغنية مقادم عتيبة الهيلا عزاز كرام

هب الهواء شرق ولا هبت الريح شام
مير الوكاد القريحة هبت رياحها

على كبود العدا ماهيب برد وسلام
الجمرة اللي لهيب الزند قداحها

وعلى الرفيق المجمل مثل وبل الغمام
ما غرني صادق الوقفة ومزاحها

قريحتي مايحركها هديل الحمام
وشلون اغني مع الورقا ونياحها

طيورهم ماتعشت غير ملواحها

وانا لا هديت طيري جاب صيده شمام
وأم الجناحين دونه تخفض جناحها

على المقام المشرف جيت قد المقام
ما دامني في البحور السبع سباحها

اسرجت خيل المدايح والهمام الهمام
عندي من الراس كلمة لازم ايضاحها

دعوة بني عمي الها فالضمير اهتمام
والله ما اسوق العذر في واجب افراحها

يا سالم الحفل حفلي واعتبرني حزام
وازهل علي القصيدة وازهل انجاحها

وحنا نعرف الرجال ونعرف كفاحها

مقادم عتيبة الهيلا عزاز كرام
مضيافهم زود البدوان فأرباحها

السوق عقب الركود يصير جوه عسام
تقول جيش التحالف مر واجتاحها

واللي قعد في مذاري تور ولا خيام
حذف الملايين يخليها من مراحها

اسرفتم الله يجنبكم دروب الآثام
في واجب الناس ولا السعي فإصلاحها

والليل مبروك يا سلطان نسل الحشام
يا صامل كل طالة يكسب وشاحها

ابن طلق راعي الوقفة صليب العظام
اللي ليا قفلت بيديه مفتاحها

انتم ذوي مليفي اللي تحتمون الجهام
في ضفكم تامن الوضحا في مسراحها

وانتم مقر الفعول اللي عليها الكلام
وانتم مغنى البيوت وزبدة امداحها

حنا قبيلة لنا في المجد ذروة سنام
شوامخ رست البيدا وصحصاحها

الله لايخلي عيال العود في كل عام
العزوة اللي على الامجاد مرواحها

حنا الوذانين لا جا للخيول ادحام
نكحل عيون الخصوم وناخذ سلاحها

من دون حد السديرة بالقنا والحسام
وان جاء نهار الحراب تخضب رماحها

واليوم حنا قبيلة تحت حكم الآمام
الله يعز البلاد ويرحم أرواحها