كلمات أغنية مدحتي لهذيل

بسم من جوده تجود به البشر جل جلاله
واحدآ قدام اسامي كاينات الكون سمه

ثم صلى الله على محمد نبي الله واله
خير من بلغ كلام الله بصدق وخير الامه

يالله اجعل كل مايصعب على عبدك سهاله
يالله اجعل كل دربآ فيه عثره مانلمه

طول هذا الليل افاضل بين ال وبين اله
قمت احط الها سكون وقمت احط الواو ضمه

كل مالامست صدر البيت مالقا له تتمه

ياشريك الفكر سوق العذر ماهذا مجاله
كيف لك وجه تسوق العذر وانا في مهمه

والشعر قفار لديار الحيا واثبات حاله
ينقل الواقع مثل ماشاهده والصدق ذمه

والله انا مانسوق المدح وبيوت الجزاله
غير في زحول الرجال اهل المقامات المهمه

هكذا عنوان ماتحوي تفاصيل الرساله
ثم انصيها عقيدآ منزله في راس قمه

عند بابه حادي اركاب الفخر نوخ رحاله
باب شيخا ماضوى بحماه لوم ولا مذمه

والنعم شاشت على ذكره تبي المطراش يمه

ياسلام الله على شيخ المواقف والجماله
حي راسك ياعقيد هذيل فخر عيال عمه

يايمين الغوث للملهوث لا قصرت حباله
وقفت اهليل تورد كل عد وكل جمه

هيلعين وقفته قول وفعل حماي قاله
والصعاب يحوفها ويلوفها باطراف كمه

وان نصاه الضيف بعد يقول حياه كيف حاله
نطحه هيل وبخور وواجبه مهدور دمه

في الكرم نضاخ كف وكل جزله في ظلاله
والحميا الطاغيه مستوطنه جينات دمه

هيبته تفرض على المجلس في صمته وارتجاله
وان هرج ماحد يقول اصبر وعلمك في متمه

في المراجل زاحم اهل المال واثرى راس ماله
والركود اللي يهم اهل التجاره مايهمه

من مداخيله تعيش اهل السعي واهل الدلاله
كل ماحول مكان تحول الانظار يمه

من هوامير العقار وسوق مكه ثلثها له
بين مشروعا مضا عقده ومشروعا يتمه

ذا عقيد هذيل ذي نبذه قصيره في عجاله
كيف لاسهب في الكثير وفي الحديث وفي خضمه

ذخر شيخا طال عمره طال باعه كل طاله
احمد اللي يمدح اهل المدح والهين يذمه

من ذوي مطرف منزحت العدا واهل الشكاله
من يعاديهم يشيب عارضه مانزاح همه

يوم حبل الشر يدرج باطنه ظهر المحاله
والرمي مابين زوم وبين دون وبين زمه

من يماريهم يذوق المر ويورم طحاله
خصمهم يحفر ثرا قبره وبن عمه يدمه

من هذيل اللي خذت في العز حصريت وكاله
مدحتى لهذيل مافيها لخلق الله مذمه