كلمات أغنية كسرنا كبار القوم رجلي وخياله

اشوف القصيد ايشابه لصبة الفنجال
وزوده ونقصه عيب لا سيق فنجاله

انا لي ثلاث ايام معها ثلاث إليال
توحّدت بالهاجوس والبن ودلاله

أبي لي بيوتٍ وزنها فالقصيد اثقال
على مسمع الناقد وعرفه ومكياله

لياعدها الراوي ع مجلس العقال
يقولون صح البيت ولسان من قاله

نيابه عن اللي سمعته مضرب الامثال
عساني فداه وعند هقوته وآماله

هلا مرحبا ترحيب قدر وغلا واجلال
تراحيبنا للضيف تِجْهّر وتثناله

يشوف المداخن كنها صف فستقبال
عليها من انواع أطيب العود وجلاله

على سوقة المدخن ليا شده الرجال
تركّد على طيّاب غترته واسباله

وذا البن الاشقر خمرته جنب عشر ادلال
عليها من الرسلان ختمه على اشغاله

هذا الفال للضيفان فالٍ قفاه اعقال
عقاله فقار الحشوَ في مقدم الصاله

تلادٍ على اللي وسمها يجعل الخيال
يعود مع دربه ويجفل من ضلاله

وصية من الشيبان فالحل والترحال
وكل أبلجٍ وصى من أبوه لعياله

يقولون حق الضيف صايب بدون اجدال
وراعا المقام امعان في وقته وماله

ليا شفت ربعي فأي حالٍ من الاحوال
يشوش بي الموقف وشعري ودرقاله

زحول ال عاطف صيت مجدٍ عليه أفعال
ولدهم شراء النوماس من ماله وحاله
خفاف النفوس وفالمواقف تقول اجبال
أهل حق لامن طالبه حط معداله

قبل تارد البلجيك و العطف والمحال
قنينا رماح الصدق والسيف وسلاله

وا قبل اللكازس واشهب اللون ابو تمثال
عسفنا مهارٍ تسبق البرق ف خياله

قبل لا يجي للعسكريه رجل وبدال
كسرنا كبار القوم رجلي وخياله

وا قبل النظام و تابعيه من الاحوال
فررضنا سلومٍ تقصر الشر وحباله

ودون الخوي والجار مانسمع العذال
ولا يعذر الرجال في ثاره إلخاله

وانا مابغي أطوّل مع ان الفعول اطوال
وصلوا على محمد واهل بيته وآله

..