كلمات أغنية قندوا راسي من الهيل

ياللي من هموم الزمن ما ارتحت
بعد الله انصى الصامل الزحزيح

لا كثرت حمولك عليك وطحت
عنز على عبدالله شليويح

مرحبا في ليلة نورها ضاوي
في ضيوف الحفل مليون ترحيبه

المدايح ذيبها بالفخر عاوي
والقصيد الزين علوى معازيبه

الهقاوي تاصل العلم وتجيبه

ضابطن بالجيش مانجمه بهاوي
الرتب تزهاه والطيب يحريبه

القصيد اللي نقوله نقوله ونحماه
يامضريها على الجزل كب اهزالها

شاعرن لا هيض اللعب قافه وابتداه
عودت معه المدايح على موالها

قندوا راسي من الهيل لين اجلي خواه
وازهلوا مدحي بربعي وصيت ابطالها

مرحبا فالمحفل اللي ينومسنا نباه
ليلة غنا سعدها وطيب فالها

شجرة دون الرفاقه يظل ظلالها

الصهيبي دام راسه على قيد الحياه
ماغبطنا اهل الدراهم بكثر اموالها

والله انه راس مال الرفيق اليا نصاه
كل ما ثقلت عليه الدعاوي شالها

حفل عبدالله شليويح لا ذعذع هواه
ليلة من نور اهلها يشع اهلالها

ذخر عودن جعل مثواه جنات الاله
حي روس بالفخر جاذبتك اخصالها

من عضيده مثل مرزوق لا تبكي علاه
النشاما في بعضها يسرك حالها

محتزم باخوانه اللي موصينه وصاه
ينطح كبار المهمات مايبرالها

لابة من روس علوى على الطاغي طغاه
لا اعتزت بمطير من جالها لي جالها