كلمات أغنية طلقة كلاشنكوف

على الموعد المرسوم والموقع المعروف
تركنا الظروف الكايده واتجهنا له

تعلا النداوي نايف يطرقه نفنوف
ليا وقع اللي ماتعلا على اشكاله

ولا فيه رجم لو عليه الذياب تحوف
ماتلقى عليه صقور وذياب وثعاله

ياصبر الجبل من نفس حيده تجيه حذوف
من اللي يذريهم عن الشمس بضلاله

بعد مانصدمت بواقع حالته حاله

كلامي عمومي لا مخصص ولا محفوف
ماني مثل ناس في قفا الناس ختاله

على كل حال اللعبه اللي على المكشوف
اشوف انها ذا الوقت ماهي ببطاله

يقولون همال المطر يسبقه عاصوف
وانا هاجسي عاصوف والقاف هماله

مايخرج من المله خروجي عن المالوف
وانا شاعر مايعبد الا الله لحاله

وانا اشوف الاشيا ماهي بمثل منت تشوف
تشوف الشعر طاله وانا اشوفه رساله

ولا يمكن اكسر شوكة عنادي الا له

واحط الغلا بينه وبين الخوي منصوف
خوي القسا ماهو خوي التبهلاله

والحف صداقة بارد الراس بشت صوف
على شان مايحتاج مكوى وغساله

عسى الله لا يقطع من هل الطيب والمعروف
ولا يكثر اللي هرجه اكثر من افعاله

قوي الروابع مايهمه تعب وظروف
شناره يسوقه للمواجيب والطاله

وضعيف الروابع كل طاله عليه تطوف
مغير يتسدح فالمقلط وفالصاله

ياطيب الكريم اللي عليه التعب مخلوف
لو انه مايلقى لقمة العيش لعياله

وياشين البخيل اللي يدقق على المصروف
يحس ان روحه تطلع ان طلع رياله

ماخلا القويين اقويا والضعوف ضعوف
سوى الماقف اللي ناشد بوه من خاله

على كتف راعي الطيب حمل الزمن منسوف
مثل يوم ينسف من على الكتف دسماله

ليا طاب كنه فيهم مسوي معروف
واذا خاب كنه عايش بينهم عاله

وانا اقول والله ماعلى الطيب كله خوف
وابو خالد ابن مقيته مجود حباله

على باب بيته كل يوم تشوف ضيوف
ولو ضاق باب البيت ماضيقوا باله

على الطيب كنه طلقة من كلاشنكوف
ولا يبخل بجاهه ولا يبخل بماله
لمنه نصاه اللي بحبل الزمن مكتوف
قضى لازمه ماقد شرب نصف فنجاله

الا ياعوض يالجابري فزعه الملهوف
لما ضاق فيه الكون من جاله لجاله

بني عمك ال الجابر اللي رغم الانوف
خذت قسمها بالغصب رجلي وخياله

حبابية يوم الحرايب لها شاخوف
شواخيفها عالة على كل عياله

جمعت النشاما كل صف وراه صفوف
وكرمت يمنى كل من جاك وسباله

ضيوفك هل الردات يوم السيوف سيوف
زمان الحرايب يوم للسيف نقاله

بني شهر عنوان الفخر مزبن المكسوف
لا جات الصمايل شفت لك ناس صماله

يوم الماقف الغصاب يحتاج دحم كتوف
تضد العدو وتضد عشره من اشكاله

وفعل ال برياع يبصر به المكفوف
عمى المعتدي فالوقت الاول وسلاله

تحت ظل شيخ درع جنب وكريم كفوف
لاثقل الحمل شله مثل شله عقاله

على الحيد فايز كل ماجا الرجال صدوف
تداعوا وكل جاب علمه ومعداله

يحل المشاكل كنه بحلها المكلوف
عسى الله يكثر في المشايخ من امثاله

وجاهه يفك رقاب ويخلص الموقوف
وياكبر وقفاته وياكبر منزاله

قوي والقوي الله وربعه ماهم بضعوف
هم اللي تحدوا باشة الترك ورجاله

معلومات الاغنية
مناسبه رجل الاعمال عوض سعيد الجابري الحبابي
للشيخ فايز الحيد شيخ ال برياع بني شهر وربعه

كلمات سعد بن شفلوت
واداء جفران الجفراني