كلمات أغنية طحاطيح الزمان

السلام ورحمة الله وابركاته
والمسامع من سلامي طيبوها

شاعر ماصار يحسب هم ذاته
يحسب احساب المواقف كلبوها

والله انه قام يدعى في صلاته
يبعد اللي كل جمه غثربوبها

بعدها جزل القصيد ومفرداته
وانا عم الحكمه الجزله وابوها

دوروا ديوانها لا تكبوها

اول العنوان سيرة طيباته
والمعاريف البسيطه جنوبها

وانظرو للي تحت فية عصاته
من كبيرات المواقف واطربوها

اطربوها مدح واخذوا من صفاته
انهجوا نفس الصفات وجربوها

احمد اللي كل علم من دهاته
لا قدمله وقفته ماعذربوها

من طحاطيح الزمان ومن دهاته
صملته كل الرياجيل احسبوها

للي خطلان النظر ما قاربوها

شيخ لا صكت على ربعه وجاته
وقفته في حلها ما استغربوبها

بيض الله وجه من سوا سواته
والمدايح للمطانيخ انسوبها

فالكفو شعري ومدحي يا طراته
والقريحه كان ما ارهت عاتبوبها

واسمعو يا من حضر في الحفل من كل القبايل
ابتدي بعد النهايه من جديد افبحر ثاني

في مديح اللي عنه وجه الخلل والشك زايل
طيب السيره عزيز من عزيزين المجاني

فارس الحفلة محمد واعلنوها في الوسايل
حفلة يظهر ثناها فالعرب قاصي وداني

يعتزي بخوانه اهل العز وجزال الفعايل
فزعة اللي من عنا وقته وصكاته يعاني

الله امجمل نباهم بالفعول وبالجمايل
ما نفرق بين نجم الجدي وسهيل اليماني

حازم الحازم ليا جات الصعايب والصمايل
يقلط ابمجده وتاريخه مع اطوال اليماني

عن علوم المرجله والطيب ما دور بدايل
حافظ قدره وله بين العرب قيمه وشاني

سيرته عطره وتذكر مع حميدين الخصايل
له مع اهل العز قدر وله على العليا مكاني

والزعيم اللي في ميدان الفخر صايل وجايل
اذكر اسمه واذكر افعوله وصح الله لساني

يا هليل شفت لفعولك براهين ودلايل
ماخذيت العلم عن فعلك من افلان وفلاني

ذا عقيد هذيل ميقافه مع صفوف الاوايل
مدته جزله تنومس في خفى والا بياني

من رجال يوم قبس النار بخشوم الفتايل
فالملاقا تطرح الخيال من ظهر الحصاني

لاد مطرف فزعة المضهود لطمة كل عايل
فعلهم وامجادهم تبقى على مر الزماني