كلمات أغنية شيوخ الاشدة

هاضت قريحت خاطري بعد مده
من الركود اللي طواها من العـام

ماشوف شين حبل فكري يشده
شعرن ركيك ووجهنة ناس واعلام

الا الدريم اللي على درب جـده
في نطحة الواجب وفي لطم الاخصام

وفي نصرة اللي جاير الوقت ضده
اللي من ضروف المقادير منضـام

لو هو ورا تسعه وتسعين ضلام

حرن يسر العين ساعة مهده
ليا كفخ وادمى مخاليبه وحام

من طلعته ماله عن الجود صده
حتى بلغ شره الهقاوي والاحلام

ماحط راسه فوق حيد المخده
ولا تريح دون شفـه ولا اقام

في كل يومن رحلتن مستجده
حتى الجم ضعاف الطموحات بلجام

وان عدوا زحول القبايل نعده
مع قداوات الرياجيل قدام

مفرج حزام السعد ذخر الاكرام

اليا التفت له والنضر فيه لده
نهض مثل حرن على الطلع عزام

ادناة شين يطلبه منه سده
وان قام في موضوع قام السعد قام

ليا اعتزوا في نوره بوقت هده
عود صليب العظم من كن له عظام

يبو مهدي واصل طريقك وقده
وارفع نضرك ولا تعاين فالاقزام

اعدا النجاح يحاوبونك بشده
وان زادو الطمهم ولانته بمنلام

وليا افتخر كلن بجده وعده
لك التفاخر فال عرجا ضنا يام

خيالة السمرا شيوخ الاشده
منوخة من يونس بخشمه عرام

واليا تناخو ياهل الخيل رده
يروون حد السيف من كل مقدام

عليه يبكن العماهيج مده
عقب التكبر والتجبر والاوهام

وبعد معزي حط كوره وشده
وهجد وصبح ثم ركز خضر الاعلام

تشهد على غاراتها المجرهده
ومعه من ال عرجا على راي الامام

فعلن رواة الحق دايم تعده
خذيته من ثقاة ورواة وحشام

معلومات الاغنية
شيله مهداه الى
محمد بن مهدي الدريم العرجاني
مفرج بن مهدي الدريم العرجاني

كلمات عبدالله بن مجلي العضياني
اداء جفران بن هضبان