كلمات أغنية شعلة النار

هاضت هواجيسي ودقن الاجراس
والجزل لامنه طرا لي شحنها

انا علي اكتب من شعور واحساس
وجفران ابن هضبان عنده لحنهااا

اركى على بالي من الفكر هوجاس
الي سلب من موق عيني وسنهاا

امن افرس ماهي مثل كل الافراس
محور حديث اهل البطولات عنها

ولا قالو ايڤاناا وشدت ذهنهاا

كن تحتها من شعلة النار مقباس
الله يعين الي امجود رسنها

جمالها للي يعرفون مقياس
ما كنها الا هي لو قلت كنها

زرقان ليامن شافها خصمها احتاس
امكحله تنهيه رسمة جفنها

حتى افنستهاا غير عن كل الافناس
سبحان من زين وكمل حسنها

جمالها فارق عن الخيل والناس
حتى بنات الناس تغتاض منها

كنه ايتباهى ويفتخر في بدنها

من مربط اهل الرمح والسيف والطاس
مظافره يا سعد منهو زبنها

ما جابها الا طيب الجد والراس
وما جابها يبغي فوايد ثمنها

يبغي مع نوماس الافعال نوماس
يومه مقر الطايلات وطنهااا

كنه يدرسهم ويعطيهم اكلاس
في لونها وفي زينها وامعدنهاا

اما حمسهم حمس بنن بمحماس
ولا حبوب الخصم جاه وطحنهاا

طامي بن امسدر على العز نبراس
قرمن على الصعبات يامر وينهى

غطا على الطائي ومدحي على ساس
حتى ولو خيله لضيفه طعنهااا

الهاجري ما يحسب احساب الافلاس
من يزهمه باقي حياته ضمنها

يا قوم يا وايل وسالم وجساس
وكل العرب من شامها لـ يمنها

لا قلت طامي ينجلي كل عوماس
كل الاسامي من فعوله دفنها

واهل الردا الي بالمواقيف جلاس
ان كانها تبغي تلاشي عفنها

من دم طامي تاخذ شوي لا باس
وعليهم اتقسم عدل وتحقنها

وما عاد يبقى لـ الردا ذكر واجناس
يعني من القاموس يشطب وينهىء

من ربعنا الي يوم الارياق يباس
تلقى المفرد والطلي في صحنها

هواجرن ما تعرف الذل والياس
لا ثارت الهيجاء وكثرت افتنها

اتروس روس القوم ماهيب تنراس
تزود والاعداا تزايد غبنها