كلمات أغنية شداد الصداره

ياهل اشواط التحدي واهل دق البكار
جاكم من الشعل دق البكار النخبوي

البكار اللي تضاهي بالاسعار العقار
والذهب ضاهت بلونه وسعره مثنوي

جلها مابعد شلع ولا ذاق العشار
ودقها مانسي طعم الحليب التغذوي

جابها اللي ما يدور بداوة كل دار
البداوه من خلقه الله وهو بدوي

يوم نجد من المعارك ثراها مرتوي

جاب نسق الفيصليات واعلنها جهار
بعد مااعطاها من اسمه مكانه وسموي

ضارب شلفا ولي العهد مثل العصار
يضرب القوه بقوه وحيل الله قوي

واغلب البل لو لها اسم يردد واعتبار
يعتبرها فيصل من الحلال المقنوي

مايبا الا كل هزعا لها قفلة فقار
طافح تختال والعظم والجنب رهوي

والنحر واسع وناسع واذانيها قصار
والخدود عراض وطوال والمشرب روي

مثل ماقالو لياشمها الذيب يعوي

منوة اللي يرخص المال ويبوج الديار
في عجب عين المحكم وعين المهتوي

وانت ياللي ماتبا غير الاول بختصار
والله ان بينك وبينه لهب نار وضوي

قبل تثبيت الاسامي وتشديد الحصار
كل يشوف اله فرصه ويعطي له نوي

فيصل الضبعاني اصدر على الأول قرار
آخذه بالأولويه على كل أولوي

اعتلى شداد الصداره بقوة وقتدار
جعل ابو تميم دايم بخير ومقتوي

يعتزي بسم القبيلة بعز وافتخار
صامل الهدات واثق وساطي وحموي

وإسم حرب بهامة المجد والعليا شعار
تمن حماها ويامن بها كل جلوي

حرب اهل رد البرا والمهمات الكبار
يرتكون لمعضلات الصعاب وتستوي

والوعد يوم الجوايز ويوم الانتصار
والمقام المكتمل والحضور المعنوي