كلمات أغنية درع الحباب

الشعر له عندي مقام وذات اهميه وشان
واللي مايرفع هامته لعلهم مايكثرون

ناس تحسب انه مغير انشوده ودانه ودان
ماوالله يعزون مقداره لو انهم يزعمون

الشعر شخصن مايجيده عشره تعود ثمان
واللي ليا غنا ماهوب يشوق اللي يسمعون

انطاع شوري يستريح ويظهر لبر الامان
لاينقده ناقد ولا يفرح عليه الشامتون

واهل الحسد لاشافو الناجح ماوالله يفرحون

ادخل على الله من حسدهم واطلبه خضر الجنان
والا الامور الباقيه لاعانك الله لك تهون

وانا مانزل مستوا شعري ولاحب الطمان
اروض صعاب المعاني واثبت مع من يثبتون

واحب اعسف المهره اللي لاخطام ولاعنان
واشوم عن من طوعوها بالخطام العاسفون

وليا انفتح باب المدايح فالحصان ابن الحصان
الابلج اللي للوفا والطيب والطاله زبون

ابو حمد شباب كفون زان فيه المدح زان
حدد مكان الحفل للي من غلاه بيحضرون

سلمن من الماضي لهم كل القبايل يشهدون

يقلطون الحيل للضيفان و الحشو السمان
امجد اللي مجدهم بين وهم يستاهلون

والكفو له عندي معزه من وفاه وله مكان
اقدره واللي مثل شرواه عندي مايهون

احبابي وافي مع اهل الطيب والطالات بان
واكبر دليل اصحابه اللي من وفاه يفاخرون

مطنوخ واصوك راس ومجمل لعله مايهان
معا الاصحاب والاقراب واللي له مايقربون

سعد الخوي اليا حدته اظروفه وفيه استعان
من ال جميح مطوعين الصعب لهل الطيب عون

واليا نصاهم من حداه الخوف يبشر بالامان
درع الحباب ولقحطان اللي عليهم يتكلون
مغيب شجاع الملحي

معلومات الاغنية
مهداه من نمر شجاع السبيعي
الى
شباب حمد ال جميح
كلمات الشاعر
مغيب شجاع السبيعي
اداء
جفران بن هضبان