كلمات أغنية خيالة الدالهه

يالهاجس اللي ما تبي الفكره سلف
اطرب على مدح الكفو في ما تبي

من دونهم مالي من الطرقه ملف
اقرب بني عمي ومن خوال ابي

القصيده

ما للفرايد مجالا للهجوس الخجول
يبغي لها شاعرا لا من بدت شالها

واليوم من دونها من يرتكي للحمول

لا من عرض عاصم الشعار باجيه طول
واوصله طايله بيموت ما طالها

مادامها دون ربعي عارف ويش اقول
ما للوصايا مكان ولا لـ نقالها

في محفل اللي ليا قلت علينا الحلول
خيل علينا وقلنا جاك حلالها

يا مرحبا عند ابن عمي كبير الفعول
ترحيبتا مايلوق المحفل الا لها

ترحيب ياخذ صداه اللي يثير العقول
ب ضيوفنا اللي علينا زان منزالها

مجيكم يوم عيد ما لـ شرواه حول

عند ال فرهود نسل اللي يقول ويطول
الشايب اللي علوم المرجله صالها

هو صادق الرفقه اللي ما يقفي عجول
وهو راعي النفعه اللي جامل حالها

وهو شايد المجلس اللي ماخلق له قفول
وهو غازي الرايه البيضاء ومن نالها

ممشاه ممشى جدوده في قديم الفصول
من روسنا اللي تروس القوم ب افعالها

يا جعله الجنه اللي جاب عقبه فحول
في مدحهم خير للقيفان طوالها

خيالة الدالهه لا جا مجال القبول
كن الجمايل تعزبهم على فالها

من لاد مطير هل الوقفات يوم الخيول
ماتصهل الا على صملات خيالها

كما عقيدا على العالم يصول ويجول
راحت حياته وهو عزوته ماقالها

جرابعه يوم عاد العز دوره و دول
ما مالت الكفه الا زاد سلالها

قوما لنا ف المعالي مايثير الذهول
من عاد عرق الجهل راوي على جالها