كلمات أغنية حذف الجنايز

اليا تهيا القصيد وهاضت امثاله
عليك بالي تبيض وجه راعيها

خص ليا جات بين الشاعر وخاله
اما احكم القاف ولا تضويها

ياراكب الي حشيمن مابعد ناله
ناسن ماتعرف مقامه مايحاليها

يوم العرب بين شداده ونزاله
كم ذودن اضفا جنبها في مشاهيها

ان صبح القوم ولا مايمسيها

اليا زهمته تقول ان صابته حاله
خطرن ينوش السحابه ويعثا فيها

واليا وقف هيبتن ملوكن واهل طاله
تدفع علشانه الي في مخابيها

يزها لفريس يام ان كبرت القاله
اليا اقبلت يام خفاقن جنابيها

ويزها لخو بينه المشهور وامثاله
هاذا ليا قالو اعطو القوس باريها

يوم البحر يلطم وربعي ع جاله
شقة صفوف الحكومات بعزاويها

من شانها مايحسب ويش تاليها

ذولا دوا للزبين وكل عياله
حذف الجنايز ع حدان واديها

والصالحي لن دعا داعيه خياله
بفعول شيبانن تقدم بساميها

نصه لقرمن تنوش الطاله حباله
حماوي والمراجل مايخليها

في محفله كم مضالي واتحراله
ودي اوقف على ضيوفه واحييها

وقف ابو سالم العود ووقفنا له
عند ال نابي تراحيبن نثنيها

يامرحبا عد مزنن هل هماله
يملا الفيافي ورجع الخير قافيها

صبي رقا قمة الامجاد والطاله
سوق المنايا لادنت مايغليها

وقت السعة مايفارق صفة دلاله
واليا احتمت من يشوفه قال مديها

مايدري انها سجيه لارحم حاله
ترثة حرارن معربتن مجانيها

دربه سالم ودرب باقي عياله
سباع ماغير مخلبها يعشيها

في حظرة الشايب الي ظلل ظلاله
عودن مماشيه تتعب من يجاريها

هاذاك ابو سالم الي دايم لحاله
ماهوب مره يصيب ومر يخطيها

عنده نسوق المدايح وانتحاماله
وارقابنا دايمن يامر وينهيها

من نسل حماد ولكل وقتن ابطاله
عاد الليالي عجاف وسمها فيها

يوم العرب بين رجليه وخياله
حماد من يلحق اولها لتاليها