كلمات أغنية انا راعي الصفراء زبون المخاسير

جو الصياهد فيه عج ومعاصير
والجدي يلمع فالسماء مادرابه

تهاوت انجوم السماء دون تبرير
والجدي ثابث فالدجا يقتدا به

ترى الوعد عند المنصه على خير
ومن غاب عننا لا يبرر غيابه

للعز ياروس الرجال المناعير
حمايت البل عاد بقعاء نهابه

يالساطي اللي في اللقاء يندعا به

قدمت حر سطر المجد تسطير
عينه على الطالات باول شبابه

ياقوم يا عنتر ويا سالم الزير
عبدالله الدبوس عز ومهابه

تاقف له القيفان حشمه وتقدير
ولا اوفت من حقوق حضرت جنابه

مثلت لام اهل القنا والبواتير
وانا اشهد لك فالمواقيف لابه

اقلط بصفر طيشوها الجماهير
لشوطها اللي ماخلق من هقابه

والا تسوي للمجره رقاابه

عرض هل الاشواط حامي زمهرير
لو كان مالك من وراهم طلابه

قل من يبينا لا يدور معاذير
دام المرا فالصفر مفتوح بابه

انا رعا الصفرا زبون المخاسير
احرق حساب البنك ما حسب حسابه

واللي مزهب بندقه بالمعايير
يبشر له بيوم يتقطع سرابه

والله ان نحده لين نعكس به السير
وان نهدم احلامه هدام الخرابه

لحدن يزاحمنا على جمه البير
ما دام منبعها قراح شرابه

واللي يقول اونس براسي سعاطير
يطلع لنا في شوطنا مرحبا به

وان ماقدر يطلع طلوع المشاهير
جيناه فالخمسين ندمي صوابه

واليا صدم في عارض طويق والنير
مسموح بكره كان شقق ثيابه

حنا نعرف مجمعين الخوابير
ماعندهم فالشوط عزم وصلابه

العام الاول تزهم الناس وتغير
ومتحزم لك في قروب وعصابه

ورحتوا مراح مقيط في قاعة البير
واطيبكم اللي راح محدن درى به

وذا العام تحشد لك علينا طوابير
ولا تبين في نهار الحراابه

اما تقدم باسمك وخير ياطير
ولا انفهق ولا تكلم بجابه