كلمات أغنية اللابه الي لسبع انعام خطافه

بالمحفل اللي حسبت حساب ميقافه
حفزت مهرة قصيد وجيت مسرجها

جهزتها للمقام وحفتها حيافه
ما جبتها في دروب العرج ادرجها

الشاعر اللي يثمن قوله ان ضافه
لا يحط نفسه بموقف صعب يحرجها

وقدام يبدي على المرقاب في قافه
صمل على بنت عز الخيل يسرجها

ويعاكس الوقت لين الله يفرجها

يوم الهوى ينطح الخيال هفهافه
يزيد مع صفقة ردونه توهجها

تقول تلمس ثرى المضمار وتعافه
وتدل درب المنصة من مدرجها

معروفة افعال للناموس كشافه
في كل ميدان ترفع راس منتجها

وان جات مع ذبذبات البث واطيافه
في كل شاشة تبيض وجه مخرجها

واليوم جتكم تشيل القاف نيافه
ولذوي بدير بالميعاد اوجهها

دعوة صميدع سلوم الطيب ناهجها

دعوتك ياثامر ابن هويل عرافه
كنها تقول القصايد حان معرجها

ياراعي الاوله فزعتك رفافه
مواقفك بينه ومورد احججها

المعجزات الثلاثه فيكم اوصافه
والرابعه في يمينك جيت تنهجها

اصحابك اللي معاك الوقت ماتخافه
بحنكتك تدمر الاعداء وترهجها

من فعل يمناك جتك الناس طوافه
على نبا يشرح الخطر ويبهجها

ياثامر اللي صروح المجد مشرافه
تنصاك الامداح من فعل يتوجها

حل الصعيبات من منقية اهدافه
ونظرات الانصاف واثق من نتايجها

مطيرين للصديق اقرب من اكتافه
ياكم كربة ليا جتنا يفرجها

اللابه اللي لسبع انعام خطافه
بافعالها اللي تقول انها تبرمجها