كلمات أغنية الذاير

الذاير اسم مايزال ومجدها ماهو يزال
هذي ترا من دونها يام العريقة كلها

من دونها ناقف ونرخص عندها خشم الريال
وفالماضي نسوق العمار و ننثني حب لها

تامن وترعى في حمانا والمطارق والهلال
وسمن يرد الطامعين وهيبته يذعن لها

يوم المهمه عندها محتله الفوز احتلال
واليوم صارت عندنا شلون مانحتلها

اسم تسيد في سما دق البكار وجلها

في كل ديره قد وطت فيها مواطيها الثقال
تقفي على الاشواط وتخلي الخصوم ب غلها

متكامله ف الزين والوسره ولله الكمال
ماهو ينافسها على أصعب مركز الا ظلها

وتصريح ابو ثاعي هو اللي زاد ف اللوحه جمال
قال افرحو وان كبرت القالات عندي حلها

عاداته يجمل ربوعه فـ الجنوب و فـ الشمال
يقدم على الاخصام وان كبرت علينا شلها

ي عيال عوضه ليت عوضه حي ويشوف الرجال
اللي تجمل والكبود الضاميات تبلها

اللي تبين إلا بدا ضرب السيوف وسلها

رقابنا ماهي تميل و روسنا ماهي تطال
والاخصام دون البل نرد شفوفها ونذلها

قوم إلا ركبو على الضمر وسلن السلال
ياتحتمي دون البل او تفني العمار فدا لها

ياهل التصاريح ان حضرنا لايزيد الانفعال
ماعاد ينفع عندنا كثر العلوم وقلها