كلمات أغنية الحمايا عندنا

مرحبا يا صفوة الفكر دام الوضع هام
رحلة الابداع واجب على الساحه تبين

يغني من الشعر وقفة معزه واحترام
واعتبار وكبر تقدير ومصافح يمين

وجهي وجاهي تحت رحمة الحي السلام
ورزقي وتدبير مستقبلي دنيا ودين

بس دام الليل توه موصل لي سلام
كنه يقول انت وينك من المطلوب وين

قبل يسلب جنح ليلي غثى المستشعرين

ولا انا طاري لي ابلج حجاجين وحزام
اصوك لا كشر الوقت واعتزته يبين

وجه مدفع عند ثقل اللوازم والمهام
متباشر كنه مبشر له بولدين

ابن عم و ودرع جنب ويضيم ولا يضام
ومدحته رمز وفخر واعتزاز وسعد عين

ذكر طيب وما يجي فيه عبدالله حرام
والله ان عبدالله اسمه عشير الغانمين

احتفل في يوم اسعد من صكوك الغمام
دام ربعك فوق وجه البسيطه عايشين

يا ذخر ربع تبث العقول من الجبين
يا ال حمراء لا اعتزى صايح الوقفه وقام
ترتهب منا الجموع وتميزنا السنين

اسمنا طيب وتواريخ وامجاد ومقام
من على وجه البسيطه وفوق الفرقدين

وان تعلوا شمخ النيب من فوق الانام
يبرك الهم هاجري يساويهم طحين

ان تعزوينا ما حنا مثل مسك الختام
وان وقفنا ناقف بعتق راس وسد دين

وان تحامينا على فعولنا مابه كلام
الحمايا عندنا سلم جد وفرض عين