كلمات أغنية كلبي ضامي
كلبي ضامي وبعثلك سلامي يلمحبوب
يا وجودي عطشان علمودي يلمتعوب
يغالي يغالي دليني بحزن عيونك
سؤالي سؤالي بشر يحسين شلونك
يغالي يغالي
انا اندل جروحك وين بس انه هاي احلامي
اتمنه اشوفنك زين مو منذبح لو ضامي
مره وحده اتمنه ارسمك بيهه
تشرب الماي وفرح كاضيهه
ردت احاول والقلم من ايدي طاح
ضحكتك حته الرسم ناسيهه
ضحكتك ضحكتك محد يكدر يرسمهه
يغالي ولجمتك مو كل واحد يفهمهه
يغالي يغالي
اسمك نهر بس عطشان والعطش ترس حروفه
حزنك ضوه بصف عميان جيب البكلبه يشوفه
انته حزنك مو لطم وقرايه
لهسه تبجي عليك المسنايه
حيرتنه ولا دمع يرهم عليك
ولا طيب جروحك المشايه
جبيره جبيره وكبرهن جرح العاشر
حصيره حصيره تشيلك من جوه الحافر
يغالي يغالي
لا جاي اعرف الياذيك لا شفت كلبي دموعي
كون الله يرزقني بخيل ادوس فوك ضلوعي
احنه نبجي وما نعرف السالفه
وانه اتخيل حدث ما شايفه
الخيل يمكن راحت وردت عليك
جا دخيلك روحك شكد نازفه
لهسه لهسه تنزف يحسين جروحك
حبيبي حبيبي محد يستاهل روحك
يغالي يغالي
تكدر جنت تلغي الموت وعليك موش بعيده
بس الله من باب الشوك هلشال روحك بيده
كرم عندك ماكو واحد شاله
اليكدر يحبك صدك هنياله
الله بس انته اشتهه يشوفك ذبيح
وشلت عبدالله وهديته جماله
لانك لانك مدري شكد تحب الله
هديته هديته بلطف ضحكه عبدالله
يغالي يغالي
يلفشلت حته عداك ذبحوك بس احتاروا
تنزف ضوه من مكفاك وعليك كلهم داروا
يا حلم وتمنه عيني تضوكه
انته تاج الرمح شالك فوكه
يلمتت واكف النخل طالع عليك
واكف يضل من تموت اعثوكه
يشبهك يشبهك بس عباس انت يشبهك
يعذبك يعذبك جي غالي فراكه يعذبك
يغالي يغالي