كلمات أغنية للكاظميه اتعنوا المشايه
هلا باليرهب اصياره
هلا بلينطي البشاره هلا بشيخ الشيم
عجيب الكاظم مراده
مضيفه هيبه الساده علم وابن العلم
مولانا يالشايل كرم كلك اعزوبيه
وزعت من باب السجن مولاي حريه
كل زاير بشاره اخذ هنياله علجيه
وكل شده صعبه بحضرتك معناها مكضيه
تنذب جفافي بحضرتك ياهبيه الساده
واليشمر اعكاله طلع هم ياخذ مراده
وتصيح هلا كل زاير اتعنه وكصد بالرايه
الك يا سيد الغيره مشو ديره وره ديره
تعنو حضرتك
كلف يالرتيك خضره تدير الكون بالحضره
جبيره بهيبتك
هيبه وصفاتك من علي غيره وزعل شايل
والراد منك حاجته ايحلفك ببو فاضل
كل حاجه يم بابك كضت يالتشبه الكافل
جفك حنين وبيه كرم ما رجعت سائل
انت الاسد وابن الاسد من حيدر افعاله
انت العظيم وبالسجن يخوف اخياله
خيال هلا طولك حنين وكاسرنه فيايه
ضوه وشع بالسجن نوره يرهب حته بلصوه
عظيم انت وعلي
الك نتعنه مشايه كتبنه اسمك على الرايه
فداك انا وهلي
بسمك يمولاي الخدم خل تدعي ليليه
ياراب عجل بالفرج هاي احله لطميه
يابو الرضا وبزيارتك فزعتنه شيعيه
ركضتنه علشباج الك جنهه اربعينه
صرختنه الك ياسيدي المشايه نحيها
وزيارتك ترهب صدك غير انت راعيها
ضواك هلا يالهدمت طاغي الزمن بحجايه
يخيال الشهم حيله السجن لورايد تشيله
شمرتك حيدره
تهز جبال خزراتك اذا صليت صولاتك
تشمر خيبره
صوتك يهز سابع سمه من تقره قرانك
يالصبرك يكسر السجن حيرته سجانك
قل لا فتى الا علي من ينطق السانك
موسى وسجد هارون من شافه بطوفانك
انته الامير البالسجن راهب يسمونه
انته شبيه لحيدره وخزراته وعيونه
يازود هلا وفايه نبقه لحضرتك وفايه
وحك حسين والساقي الك هذا العهد باقي
خدم يابو الرضا
نشك الكاع والغيمه ندك عله الشمس خيمه
زلم المرتضى
لو دارت الدنيا وعلي نتعارك وياها
هاي المواكب كل سنه بالخدمه تلكاها
رايتنه رايه حيدره والمهدي شالهه
والخدمه خيمه ومن تطيح انطيح فوكاهه
خدام الك يابو الرضا وبينه وعلي غيره
ويم بابك اتطيح العكل لو طاحت بحيره
خدام هلا خلينا خدام وخدمتك غايه