كلمات أغنية ند بن جرحب
- كلمات
- علي بن حمد ال دهمه
- ألحان
- مسفر السندوانه
هيض هجوسي على بدع الفرايد
سبقة اللي سبقها ما فيه حيله
حضروا شوط العصر في دار زايد
كن شوبا زحمته شوبا وهيله
وحضرت شقرا لمربطها عوايد
بالرموز وبالتواقيت المهيله
روحت بالكاس للدوحه تعايد
وافرحت روس تهوم المستحيله
من طمع في شوطها ماله حصيله
شوط كاس يرجح بقلب المحايد
حطمت هقوات من يبغي يشيله
يوم فكوا شوطها قامت تزايد
من يتابع غارته ضيع دليله
كنها ظبي لجول الصيد قايد
وكد الزيله وذير من مقيله
لرقبتها وصف يبسان الجرايد
ذاوية الاغصان في قاع محيله
وجهها وجه السعد وجه الفوايد
والمدبر فيه من وصف الكحيله
ما تعود من يشله بالفشيله
والوصايف يوم اوصفها وكايد
شوفوا الرابط ويعطيكم دليله
شكلها زينه على العيرات زايد
واصلها ما يلحقه شك ودغيله
محتمينه يوم عاد الجهل سايد
سربة تفرق خليل من خليله
يابن جرحب حي والله ذالبنايد
مخلف الترشيح بالوجنا الاصيله
ابوصالح عندها ماهوب بايد
في محاضاته لها يومه وليله
يالخنين يزين بك معنى القصايد
يا وريث ونعم كساب النفيله
لا غرابه عيدك بالامجاد عايد
باندر السبق وبالسوداء الجثيله
انتزاع الرمز قد هو لك عوايد
الفخر غايه وسبقتها وسيله
وان مدحتك ما علي فيها نقايد
ابن عم فعلك يعز القبيله