كلمات أغنية ال سالمين

مهداة إلى سعيد بن محمد ال سالمين المنصوري
الكفو الي مكسب الطالات كاره
المدايح كل ما سيقت زهاها
ياسعيد ال سالمين اسمك وقاره
معتلي سطح الكواكب في سماها
عز ياراس ن فخر ربعه وداره
سيرته بالطيب مشهور نباها
ريف لاصحابه وضيفانه وجاره
سمعته بالمرجله ياضي سناها
والعيال افهود منهجهم مساره
كل منهم قمه الطاله رقاها
بينه وبين الي العليا اشعاره
في حمد لامداح تنساق بغزاره
ابلج ن في طيبه اللابه تباها
عن كرم يمناه ما تعلم يساره
نفسه يسابق مراجلها صخاها
والكفو منصور ماتقصر اشباره
كم نفوس بالوفا حقق امناها
مايقدم فالمواجيب اعتذاره
كل صعبه له تهيا لا بغاها
وانت ياهزاع يانمر النماره
كلمتك في منهج الطيب اتحماها
طيب راس به سعاطير ونعاره
المدايح من مواقيفه خذاها
ذكركم لاجا التنافس له مداره
في تحدي الركض مافيها امضاها
الرموز الموسميات بجداره
قسمكم وتعومسون الي بغاها
والتحدي لاحتمت فالركض ناره
تظهر اسماكم مع اصحاب الصداره
بللي من السبق معروف مداها
مشترى كن سعرها قيمه عماره
شوطها تنهيه مادارت عصاها
تاخذ من الريم لفته واستذاره
تتعب اللي في تخاطيطه نواها
او تلاد ن بيعها مغلق قراره
نادره في شكلها في مستواها
شوطها من يوم مايرفع ستاره
تقتنع الاخصام ويوقف حكاها
ولا فهقتهم كنها قطعه شراره
كل سابق صابها منها بلاها
سدوها منقاد مدبوله فقاره
لاقفت ايغطي مناكبها قفاها
السلاله فل ما فيها خساره
شوف دم مروح داخل عظاها
امحشومه عادها ترضع حواره
ما ولاها الي يقصر في عشاها
ومن نسل مذخور جيناته تجاره
يملك البرج العقاري من قناها