كلمات أغنية خريف صلاله

ير اللحن يالسندوانه وكيفه
عسن يا مسفر نحقق مناوي

هيا بنا جدو الخريف ومصيفه
زيارة صلاله بـ أول الصيف ناوي

نبغي نصيف في ظفار وخريفه
وين العشب مكسي الجبال العلاوي

لي فاضيا منا وراعي الوظيفه
عاشق مناظرها وللدار هاوي

ف الجو ولا فالطريق الخلاوي

ماتهمني بعد الدروب الشظيفه
في دربها بمشي سريع الخطاوي

وبندوج في دارن عذيه ونظيفه
يشفي هواها عن طبيبن يداوي

جبالها خضر وسهلها وريفه
ورودها عطر وزهرها شذاوي

وقت المساء تسمع مطرها وحيفه
رحمه من المولى كريم العطاوي

زوارها من كل فيين نكيفه
هذا سرح منها وهذاك ضاوي

والراعبي يزقر بصوته نحاوي

فيها الوضيحي والغزال وليفه
وريم الخليج لي جميلن و غاوي

عوده ليان وله خصورن نحيفه
ولميع خده مثل برق شتاوي

لن ثار مخطر ينجسم من نصيفه
ضامر حشى من نشوة الكيف ذاوي

وانا عيوني من سهرها عنيفه
لي صاحبن غالي وعالقلب كاوي

العلم ياكم يالسنافي وضيفه
وبظن فيكم ماتضيع الهقاوي

ع البث ذيعه وانشره في صحيفه
وطربها القلب الوليع الهواوي