كلمات أغنية حضوره اللي يقسم الصف صفين

العز له ساس عظيم وعناوين
ومن لاتعب للكايده ما وجدها

ولفرحه الناموس بين الملايين
لذه فخر لاقبلها ولا بعدها

يعيشها اللي ضاري بالميادين
ونفسه الى واعد وفت في وعدها

هذاك هو بن صافيه واحمر العين
محمد اللي كل قمه صعدها

منصى الصعاب الي كثير اعقدها

ولد حمد نسل الرجال المسمين
ذخر للربعه فالصعاب وسعدها

ابوعلي له وقفه تنزع الدين
لاعضبت لايام واقبل نكدها

ومحمد امجمل من اول وذلحين
الى تواجد فالرموز ايحصدها

حضوره الي يقسم الصف صفين
ويخلي الاخصام يشوى جهدها

منافسينه من نجاحه كثيرين
لكن ما وردو الجمه الي وردها

شيخ الحرار اللي ينومس هددها

لخبط تخاطيط الرجال الفهيمين
اللي على القمه كثير عددها

بن صافيه سلام سلام شاهين
اللي حلوم اهل التحدي هبدها

روح تقول الارض تحته براكين
لامال بعد الله عليه انعقدها

اطلبهم اطلابه سريع الشواهين
الي ما تسلم صيدته لا قصدها

وقبل النهايه بدل الاول بحين
الكاس هقوه من طمع به هجدها

ناموسه انباهي به ابراج برلين
ولا نغبط اللي فلوسه رصدها

اعظم حدث وانجاز مشهود بالعين
والمقبلات اشد وا امر وادها

الرمز فالطايف لنا حلفه يمين
لحظه فخر كلن بعينه شهدها

حنا ماجينا الا لقلب الموازين
ونحمى على رموز الفخر في بلدها

مالله خلقنا فالتنافس ضعيفين
قبيله يحمى العواقب ولدها

سلام يامحمد طليق الحجاجين
اسمك بطل كل المواقف واسدها