كلمات أغنية الفيصل

يا سرور أنشيت قيفاني
ويا حلات الشيء في حينه

صغتها من حلو لمعاني
كالحصابي لي منقينه

لا أحضرن من كل ميداني
مأهلات رموز ثمينه

ضمرن تفرحن لي عاني
لو بعيد الدرب تطوينه

خيرت القعدان لافينه

و ياهم الفيصل و طرباني
ع زقر غيره مخلينه

كل رمز ياب به ثاني
خاض به و أتعب قعادينه

لين ضربه فالعلا باني
يوم شاف الصيده سمينه

و العصا تعطيك برهاني
أن عنده زود و خزينه

القحد نابي و الآذاني
كنها لحراب و سنينه

مشرعه ما بين عضدينه

و غاربه متسند و زاني
وشعرته وينوبه لدينه

هد هد الفرخ شيهاني
لي محيد صيده بعينه

منكبه يخفق بينحاني
وتعدى ريله أيدينه

من مدور ضلعه يباني
أن طوارف ينبه سمينه

ما أقبضوه بضف حشواني
مركض و ع سبق شارينه

و ع عنان الخيل فرساني
لي خذوه القوس بارينه

وبيع لي شرواه خسراني
لي ترد القيمه يمينه