كلمات أغنية مجرد وقت
- كلمات
- احمد عزت
- ألحان
- محمود محرم
مجرد وقت واوعدكم كله هيرجع هنا
يقدمو فروض الولاء ويتمنو الرضا
ساعتها هقول بكل جحود
اسف جدا انا مش موجود
ده لو صانو في يوم العهود
مكنش حصل كده
مجرد وقت واوعدكم يكون وقت قصير
مجرد وقت وكل حاجه هتتغير
خلاص مبقاش ليه عزيز
خلص الكلام والجاي تنفيذ
ومفيش غير كده
واتاريني كنت انا الطيب
في مكان مفيهوش واحد طيب
طيب يازمان يازمان طيب
من انهارده انا مش طيب
مكنتش فاهم الخطه
امنت زياده دى الغلطه
كنت بقول ده اقرب ناس
وجتلي منهم الخبطه
امنت لناس كانت شاطره
في بيع الحب والعشره
دخلنا حياتكو بالخيرات
و طلعنا منها بالحسره
مافرقش مع حد غيابي
ولا حد سالنى علي الاسباب
وعشتو حياتكو كده عادي
وزى مااكون ماحدش غاب
ماحدش ييجي دلوقتى
عشان الوقت بقي وقتي
هرد الجرح بطريقتي
قفلت الباب ودي الاسباب
واتاريني كنت انا الطيب
في مكان مفيهوش واحد طيب
طيب يازمان يازمان طيب
من انهارده انا مش طيب