كلمات أغنية الموت بقى يجي خطف
- كلمات
- صلاح مندي
- ألحان
- سيد شعبان عبد الرحيم
عارفين زمانا ليه بقي ذل وخوف وضعف
وقل الرزق فيه والموت بقي يجي خطف
علشان خلاص بقينا ماشين من غير قلوب
بنعيب علي اللي فينا بيعيش من غير عيوب
واللي انجرح بندوس فوق جرحه ونزيده
واللي في زمانه اتهان مانخدش يوم ايده
والكل باع واتباع وبقي الشيطان سيدو
لابنرحم ولا بنسيب يوم رحمة ربنا
وكأن الرحمه عيب لو طلعت مننا
قاسين والقسوه صعبه بتموت الاحساس
وبقينا خلاص فى غربه لو وسط اقرب ناس
واللي انجرح بندوس فوق جرحه ونزيده
واللي في زمانه اتهان مانخدش يوم ايده
والكل باع واتباع وبقي الشيطان سيدو
نبيع نظلم نخون نخدع من غير سبب
ونقول زمن عجيب واحنا فينا العجب
مين فينا شال التاني من الحزن ومن الجراح
الكل داس ع التاني علشان يعيش مرتاح
واللي انجرح بندوس فوق جرحه ونزيده
واللي في زمانه اتهان مانخدش يوم ايده
والكل باع واتباع وبقي الشيطان سيدو