كلمات أغنية متشغلهاش اللي قبلك راح مجاش
- كلمات
- احمد عزت
- ألحان
- محمود محرم
ماتشغلهاش ماقبلك عاش
وخد علي عينه من الدنيا
زمن مغشوش ماتامنلوش
بتيجي قلبته في ثانيه
تعيش فراك ومالها عماك
دى دنيا ويوم اكيد فانيه
وياما انداس عتاوله ياناس
محدش كان ملا عينها
وكانوا بالصدر واخدينها
ده كان جبروت وجاله الموت
و أدى الدنيا شيفنها
شوفنا الحلو ولا المر ايام كده او كده بتمر
قصه و متوزعه ادوار اختار تبقي خير او شر
ماتفردهاش ده متر قماش
في اخرتنا هيسترنا
كفاية غرور وعيش مستور
يارب عالستر قدرنا
دي دنيا رهان يبان كسبان
وفي الاخر تخسرنا
وارضي عشان كده تنولها
تبات مهموم في فرح تقوم
في ثانيه تتبدل أحوالها
واللي مارضيش في هم يعيش
والفرحه يقل مفعولها
ده عايش الدور في دنيا تغور
ده كفاية حتي عمايلها
عيشها بسيط بلاش تخبيط
في الايام وعديلها
ما تستقووش وتبقوا وحوش
في وش بعض بتقاتل
وليه تغتاب اخوك لو غاب
في لحم اخوك كده بتاكل
لمين بنقول ضمير مقتول
حتي الطيبه قتلينها
هنترك مال وجاه وعيال
وناخد بس اعمالنا
شوفنا الحلو ولا المر ايام كده او كده بتمر
قصه و متوزعه ادوار اختار تبقي خير او شر