كلمات أغنية ماكانوش خير

هما بيتغيروا علي كيفهم
وقت مابيفكروا في غياب
ف اللي يقول انا ماشي اضحكله
قوم وكمان افتحله الباب
دول ماكانوش خير ليك علي فكرة
وانت من الأول غلطان
كنت فاتحها زمان ع البحري
وتقول ع النمروض غلبان
ايه يابو قلب ابيض ماتحاسب
اديتهم قلبك وباعوه
عمال تدي كمان واهو ناقص
تديلهم عمرك يعيشوه

فرصة وماكانوش يتمنوها
ولا في خيالهم كان مرسوم
انك تبقي معاهم صدفة
ولا كانوا خدوا من عمرك يوم
الدنيا مانصفتش الطيب
عاش تعبان مارتاحلوش بال
وانا ماتغيرتش بمزاجي
اللي انا شوفته يهد جبال
مش هتشوفوا تاني خير علي إيدي
خلصت بقي مافيهاش تمثيل
الدنيا مسودة جواكوا
فامنفعش معاكوا أصيل
اللي اتعود يجمد تاني
وهو لوحده ده مهما شاف
قادر ينسا يعيش من غيركوا
ولا هيتعب ولا هيخاف