كلمات أغنية ابراج مراقبة

انا عايزكم منظر بس
ومفيش حاجة جد
ونقضيها نفاق وهجص
ونحور علي بعض
لا انتوا قاعدين ولا باقيين
وفي الاخر بتمشوا
وساعت الضيقة هلف ومش هلاقي جمبي حد
ف اعملوا الواجب معايا
وانا هردهولكوا
هتعاملوني اني فارق
هعمل اني منكو

واللي كنت بقول دول اخوات ومش زمايل
واللي كنت عشانهم ياما بعمل عمايل
واللي ياما جم رموني وقلبي شايل

طب كتر خيرها شدة بتبين نوايا
كان مين وقف ف ضهري ومين سندل معايا
ومين بدأها حب اتحول في النهاية
واهي واضحة الليلة قلوبكو شايلة كتير خبايا

عايزينها تمشي بالبكش وبالأونطة
تقولي اخويا اقولك صاحب عمري ياسطا
وكام خروجة وشلة Fake وكله ماشي
انا مش عايزها فاضية خشوا املوا لكراسي

الله يجازيها الدنيا بدلت وشوشكوا
وخلاص حفظت فين اولكوا وفين اخركوا
طب مثلوا الاصول وصونوا اي عشرة

انا بتفرج من بعيد
ومتابع وفاهم
المصالح بتصالحكوا
وتدوم العزايم
كله زايف كله خايف يسقط م الحساب
بلالين ونفخ ع المفيش وارخص م التراب
ف كملولي الصورة كدب
وزيطوا وطبلولي
مش بس لما تحتاجوني
تيجوا تتنططولي

انا ابويا قالي اللي يعاملك دوغري عامله
وروح في الندل وش واوعي في يوم تجامله
واللي يعاملك بالأصول والصح زامله
وابن الحرام جالك علي سكة اتلفله شكله

انا مهما قولت ومهما عيدت مفيش إفادة
ومهما اطفي النور ولا اعمل قهوة سادة
بتاكلوا عيش وملح جوع وبالغتاتة
ماشوفتش حاجة خالصة معاكوا نفوس سوادة

ياصحبة الفيس والواتس يا ابراج مراقبة
ماشوفتش صنف حد فيكم ف لحظة صعبة
بتشوفوا من بعيد وعاملين عبط ولا عمي عادي
هنمثل السلكان علي بعض نعيش في كدبة

عايزينها تمشي بالبكش وبالاونطة
تقولي اخويا اقولك صاحب عمري ياسطا
وكام خروجة وشلة Fake وكله ماشي
انا مش عايزها فاضية خشوا املوا الكراسي