كلمات أغنية الهدهد
جيب لي يا ابو الهدهد نبا
وريني اخبار دار سبا
قولي على مر القرون
لا ارتد انسان لا صبا
انا ما سليمان اللي كان بتفقدك
وماني الخليل الطمانو الله واوجدك
انا بس بشر مستني جيتك انشدك
او القى بين جنحيك خبا
قولي بعد تنزل ترك
شدوك دخل طيب مسامعي ابى يتمسك
انا بسالك ما بين رحا البكا والضحك
بابل علي ابوابا واقفين كم ملك
هاروت وماروت الشياطين الشرك
طالوت وبسطه علمو جالوت الهلك
كل العلي اثار حضارتك ومهذبا
قبال تفر جنحيك تمش
سوي الضلوع دالات وعش
او سوقني في الفلوات وطش
حدثني عن ناسا القبيل عبده شمس
بلقيس وتاجا الكان علي الراس والعرش
الداري بي علم الكتاب يوم جابو في غمضه رمش
كانت مشيئه ربي رادا وسببا
مسكين ابو الهدهد بكى
اتوسد ظلال كل الارائك وانتكى
جادل سليمان واشتكى
قاليهو تاجي المن ذهب بقى ثروه للناس تملكا
كيفن سلالتي بتستمر والناس عيالى بتهلكا
بدلو تاجو بقت خرافه نكذبا
انا بسالك عن سر حاضارات البلاد
من مشرقا ولي مغربا
الواشجه البينكوش وبينك وبين سبا
عرضو الامانه على السماوات والارض
حتى الجبال الكل ابى
شال الظلم لي نفسو غراهو الصبا
انا بسالك فك الطلاسم ليها حل
انا بسالك سر اللغه البين سليمان والنمل
انا بسالك عز الرسول الجايي من داؤود نسل
الخاطبك واستامنك وبقيت رسولو بعد زعل
واصل رسالتك في الارض بينتنا طل