كلمات أغنية الميلاد
الايام مالن ماهن فى الالام داقالى اوتاد
الايام كاتفانى حزين وسوجرن الاشواق باصفاد
كندكن الاحلام بالحسره ويبسن الوديان فى المسرى
ولو بتعدل الخطوه والعتره ما اتراوحت وجيتك صاد
ما حبيت عينك بالصدفه وما لاقيتك دون ميعاد
اتلاقينا صباح الدنيا وشلتك منيه واتجنستك فى الميلاد
اتحسستك حب بافطره وعشتك فكره وشلتك زاد
ومن شقيت طريق اشواقنا ولامن جيت من عندك صاد
ويوم ما جيت من عندك راجع كلى مواجع ونوح وسهاد
اتوكيتك حزن دامس بين خلجات القلب الراد
واتلفته عشان القاك فرحه زول بي زولوا العاد
وانا ماشى مبارى دريب الرجعه محطه محطه لقيته رماد
حته كنا وحته كان الشوق وقاد
الاطفال احساس الوحده الامال منشره سواد
لا لاقيت اطفال بيغنوا لا اتنين قاعدين يتمنوا
وادى الخير مرابوا جراد يا احلام القلب الراد
واتذكرتا انا ليالى الهجعه وخيال الشوق مشدوده شداد
غيبتك كان اسباب وسفر الطيف فى العتمه جهاد
ياما مشيت فوق دربك اسعى طول الليل شقيتلى بلاد
كم كبيت فوق دربك دمعه واستنيت طيفك ما عاد
واه يا زول اهديتو حياه اهديتو عيون ومروه وزاد
اه يا زول اهديتو بيوت اديتو خيوط شعرى الوقاد
لو فاضل فيك من ريدى رماد
اطرحلى وشيك انا داير اجيك ليه بابك ساد
ليه الاحزان ليه الاهات والدمعه حصاد